باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتياعا ادال بولىپ، پارتيانىڭ شاپاعاتىن ەستە بەرىك ساقتاپ، «ءۇش ءتۇرلى كۇشپەن» باتىل كۇرەسەيىك

    كەلۋ قاينارى: شينجياڭ گازەتى    2017-09-12 15:49:14  

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ زەينەتكەرى حايۇم توقتى

 مەن جۇڭگو كوممۋنيستىك پارتياسىنىڭ مۇشەسىمىن، جۇڭحۋا حالىق رەسپۋبليكاسىنىڭ ازاماتىمىن، بيىل 80 جاستامىن. مەن اۋىل - قىستاقتاعى كەدەي وتباسىندا ءومىر ەسىگىن اشتىم، ۇلى وتان شاڭىراعىنىڭ مەيىرىمدى قۇشاعىندا، پارتيانىڭ قامقورلىعى مەن تاربيەسىندە جانە ءار ۇلت جولداستاردىڭ كومەگىندە، كوممۋنيستىك پارتيانىڭ تۇرعىسى بەرىك، تۋى ايقىن ءبىر مۇشەسى بولدىم.
  مەن ۇلى وتانىمىزدى، ۇلى جۇڭگو كوممۋنيستىك پارتياسىن قىزۋ سۇيەمىن، قايدا بارسام دا مەن: جۇڭگولىقپىن، وتانىممەن ماقتانامىن جانە ماقتانىش ەتەمىن، - دەپ ماقتانىشپەن ايتامىن. بۇگىنگى كۇنىم پارتيانىڭ تاربيەسى مەن باۋلۋىنان ايرىلا المايتىندىعىن، وتانىمىزدىڭ ۇلى شاڭىراعىنىڭ مەيىرىنەن، ءار ۇلت جولداستاردىڭ كومەگىنەن ايرىلا المايتىندىعىن ماڭگى ەستە بەرىك ساقتايمىن.
  وبۇلقاسىم ءماتتۇرسىن جولداستىڭ «ۇيعۇر باۋىرلاستارعا جولدانعان ويانۋ حاتى» شينجياڭداعى نەگىزگى ساتى ۇيعۇر كادرلارىنىڭ ەرەكشە رۋحاني بەينەسىن بەينەلەپ، بۇكىل رايونىمىزداعى ءار ۇلت كادرلارى مەن جۇرتشىلىعىنىڭ جۇرەك ءسوزىن جەتكىزدى. شينجياڭداعى ءار ۇلت كادرلارى مەن جۇرتشىلىعىنىڭ «ءۇش ءتۇرلى كۇشپەن» باتىل كۇرەسەتىن، قوعام ورنىقتىلىعى مەن باياندى تىنىشتىق باس نىساناسىن ىسكە اسىراتىن كۇشتى ارمانىن ءبىلدىردى. وبۇلقاسىم ءماتتۇرسىن جولداس بىزگە ونەگە كورسەتتى. ۇيعۇر كادر رەتىندە، مەن وبۇلقاسىم ءماتتۇرسىن جولداستان ۇيرەنىپ، پارتيالىق تۇرعىدا، حالىقتىڭ تۇرعىسىندا تۇرىپ، «ءۇش ءتۇرلى كۇشپەن»، «ەكىبەتكەيلىكپەن»، «ەكىبەتكەيلەرمەن» باتىل كۇرەسەمىن.
  زەينەتكە شىققانىما 20 جىل بولىپ، 80 جاستاعى اقساقال بولعانىممەن، مەنىڭ وتاندى، پارتيانى سۇيەتىن ەركىم توقىراعان جوق. شينجياڭدا تۋىپ - وسكەن ساقا پارتيا مۇشەسى رەتىندە، مەنىڭ قوعام ورنىقتىلىعى مەن باياندى تىنىشتىقتى قورعاۋ جاۋاپكەرلىگىم مەن بورىشىم بار. «ءۇش ءتۇرلى كۇش» پارتياعا قارسى، ۇلتتار ىنتىماعىن بۇلدىرەدى، وتانىمىزدى بولشەكتەۋگە ۇرىنادى، ولاردىڭ ءتىلى ۋلى، ارەكەتى كەرتارتپا، ماقساتى جيىركەنىشتى، ولاردى باتىل اشكەرەلەپ، ولارعا سوققى بەرىپ، ولاردى جوعالتۋىمىز كەرەك. كادرلاردىڭ اراسىنداعى «ەكىبەتكەيلەر» اۋزىندا ءبىر ءتۇرلى ايتقانىمەن، ءىس جۇزىندە ءبىر ءتۇرلى ىستەيدى، كورنەۋدە جاقسى سويلەگەنىمەن، كومەسكىدە پالە تۋدىرىپ، بۇلدىرەدى، ولار «ءۇش ءتۇرلى كۇشتىڭ» قورعاۋشىسى، ولاردى دا باتىل اشكەرەلەۋىمىز، ولارعا سوققى بەرۋىمىز كەرەك.
  پارتيانىڭ مەنى باۋلىعانىن جانە تاربيەلەگەنىن اقتاپ، پارتياعا كىرگەندەگى اۋەلگى ماقساتىمدى قاشاندا ەستەن شىعارماي، پارتياعا كىرگەندە پارتيا تۋى الدىندا بەرگەن ۋادەمدى ەستەن شىعارماي، پارتياعا ماڭگى ادال بولامىن. سونىمەن قاتار وتباسىمداعىلاردى، تۋىس - تۋعان، دوس - جاران جانە كورشى - قولاڭدارىمدى وڭ ەنەرگيانى ساۋلەلەندىرىپ، قوعام ورنىقتىلىعىن قورعاۋعا، باياندى تىنىشتىقتى جەبەۋگە جەتەكتەيمىن. مەن بالالارىما جانە وزىمە ۇنەمى كەمشىلىكسىز ادام بولمايتىندىعىن، ايتسە دە پرينسيپتىك ماسەلەدە تاباندى بولۋدى، «تورتتەن اۋىتقىماۋدى» ەستە بەرىك ساقتاۋدى ايتىپ وتىرامىن.
  ءبىرىنشى، جۇڭگو كوممۋنيستىك پارتياسىنىڭ باسشىلىق ورنىنا تاباندى بولۋدان اۋىتقىماۋ. جۇڭگو كوممۋنيستىك پارتياسى بولعاندىقتان عانا، گۇلدەنىپ - كوركەيگەن، قۇدىرەتتى جاڭا جۇڭگو بولدى، شينجياڭدا حيكىمەتتى وزگەرىستەر تۋىلدى، ءبىز بۇگىنگىدەي باقىتتى تۇرمىسقا قول جەتكىزدىك، وسىنىڭ بارلىعى جۇڭگو كوممۋنيستىك پارتياسىنىڭ ەڭبەگى. جۇڭگو كوممۋنيستىك پارتياسىنىڭ باسشىلىعىندا قازىر ءبىزدىڭ ەلىمىزدىڭ ەكونوميكالىق جالپى مولشەرى دۇنيە ءجۇزى بويىنشا 2 - ورىندا تۇرادى، ارميا قۇدىرەتتەندى، حالىقارالىق ورنىمىز بۇرىن بولماعان دارەجەدە ءوستى، جۇڭگو حالقىنىڭ تۇرمىسى جاقساردى، ۇلى پارتيامىزدى سۇيمەۋگە ەشقانداي نەگىزىمىز جوق.  ەكىنشى، وتاننىڭ تۇتاستىعىن قورعاۋعا تاباندى بولۋدان اۋىتقىماۋ. «ءۇش ءتۇرلى كۇشتىڭ» بوتەن ماقساتى بار، ولار شينجياڭدى وتانىمىزدىڭ قۇشاعىنان ءبولىپ اكەتپەك، ولار لاڭكەستىك قيمىلدارمەن شۇعىلدانىپ، باقىتتى دا تىنىش تۇرمىسىمىزدى ءبۇلدىردى، ولارعا، ءسوزسىز، باتىل سوققى بەرۋىمىز كەرەك. شينجياڭ قايسى ءبىر ۇلتتىڭ شينجياڭى ەمەس، شينجياڭ وتانىمىزداعى ءار ۇلت حالقىنىڭ شينجياڭى، جۇڭحۋا حالىق رەسپۋبليكاسىنىڭ ايىرىلماس ءبىر بولەگى. وتاننىڭ تۇتاستىعىن قورعاۋعا تاباندى بولۋدان اۋىتقىماۋىمىز، قاجەت بولعاندا ءوز ءومىرىمىزدى قۇربان ەتۋدەن دە ايانباۋىمىز كەرەك.
  ءۇشىنشى، جۇڭگوشا سوتسياليزم جولىنا تاباندى بولۋدان اۋىتقىماۋ. جۇڭگوشا سوتسياليزم جولى پارتيامىز بەن حالقىمىز تالاي جىلدىق اماليات بارىسىندا تاپقان بىردەن - ءبىر دۇرىس جول، بۇل جولمەن جۇرگەندە تيتتەي دە ءارى - ءسارى بولماۋىمىز جانە بۇدان اۋىتقىماۋىمىز، تاباندىلىقپەن جۇرە بەرۋىمىز، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن بىرگە جۇزەگە اسىرۋىمىز كەرەك.
  ءتورتىنشى، ۇلتتار ىنتىماعىنا تاباندى بولۋدان اۋىتقىماۋ. شينجياڭدا ىنتىماق ءار ۇلت حالقىنىڭ جان تامىرى، ۇلتتار ىنتىماعىن كوز قاراشىعىمىزداي قورعاۋىمىز، ومىرىمىزدەي قاستەرلەۋىمىز، اناردىڭ دانىندەي تىعىز ۇيىسۋىمىز كەرەك.
  جاڭا جۇڭگو قۇرىلعاننان بەرى، ۇلى پارتيامىز كوپتەگەن كادردى، اسىرەسە، از ۇلت كادرلارىن باۋلىدى. ۇيعۇر كادرلاردىڭ اراسىنان ءبىر توپ مەملەكەت باسشىسى، ارميانىڭ جوعارى دارەجەلى قولباسشىلارى، ينجەنەريا اكادەمياسىنىڭ اكادەميگى، ولكە، مينيستر دارەجەلى باسشى، سونداي - اق كوپتەگەن عالىم، جازۋشى، وقىمىستى، ديپلومات شىقتى. مەنىڭ قىزىم پارتيا مەن مەملەكەت باۋلىعان ءبىر ديپلومات، بۇل كونە قوعامدا قيالعا دا كىرمەيتىن ءىس. پارتياعا، وتانعا ايرىقشا العىس ايتامىن، پارتيا مەن حالىق ءۇشىن قاجىرلىلىقپەن، بۇكىل ىنتا - پەيىلىممەن قىزمەت ىستەيمىن.
  جاڭا جۇڭگو قۇرىلعاننان بەرى، جۇڭگو كوممۋنيستىك پارتياسىنىڭ دۇرىس باسشىلىعىندا، بۇكىل ەلىمىزدەگى ءار ۇلت حالقىنىڭ قامقورلىعى مەن كومەگىندە، اسىرەسە، پارتيا 18 - قۇرىلتايىنان كەيىن، شينجياڭداعى ءار ۇلت حالقىنىڭ تۇرمىسىندا حيكىمەتتى وزگەرىستەر تۋىلدى. پارتيا مەن مەملەكەت شينجياڭداعى ءار ۇلت حالقىنىڭ تۇرمىسىن اناعۇرلىم جاقسارتۋ ءۇشىن، كوپتەگەن تيىمدىلىك جاساۋ ساياساتىن العا قويدى، اۋىل شارۋاشىلىق سالىعىن، مىندەتتى ەڭبەكتى كۇشىنەن قالدىردى، كەدەيلەر ەڭ تومەنگى تۇرمىستى قامتاماسىز ەتۋ ساياساتىنان يگىلىكتەندى، ەگىنشىلەر مەن مالشىلار جاڭا ۇيلەرگە كوشىپ كىردى، 15 جىلدىق تەگىن وقۋ - اعارتۋ، جالپى حالىقتىڭ دەنساۋلىعىن تەگىن تەكسەرۋ سياقتىلار اتقارىلدى. ەگەر بۇلاردى ەستەن شىعارساق، وندا جاقسىلىقتى بىلمەيتىن وپاسىز بولامىز. پارتيا تالاي جىل باۋلىعان ۇيعۇر كادرلار وبۇلقاسىم ءماتتۇرسىن جولداستان ۇيرەنىپ، پارتيا مەن حالىقتىڭ تۇرعىسىندا تۇرىپ، «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەسىپ، پارتيانىڭ ءبىزدى تالاي جىل تاربيەلەگەن جانە باۋلىعان ەڭبەگىنە العىس ايتۋىمىز، پارتيانىڭ بىزدەن كۇتكەن ءۇمىتىن اقتاۋىمىز كەرەك  ساقا پارتيا مۇشەسى رەتىندە، مەنىڭ قوعام ورنىقتىلىعى مەن باياندى تىنىشتىقتى قورعاۋ جاۋاپكەرلىگىم مەن بورىشىم بار. بۇل ارادا مەن مىناداي ۋادە بەرەمىن: پارتياعا، وتانعا، حالىققا ادال بولامىن، تۇرعىمدى بەكەمدەپ، باتىلدىقپەن جاۋاپكەرلىك ارقالاپ، ۇلتتار ىنتىماعىن باتىل قورعايمىن، ۇلتتىق بولشەكتەۋشىلىككە باتىل قارسى تۇرامىن، ۇلتتار ىنتىماعىنا جانە قوعام ورنىقتىلىعىنا ءتيىمسىز سوزدەردى استە سويلەمەيمىن، ۇلتتار ىنتىماعىنا جانە قوعام ورنىقتىلىعىنا ءتيىمسىز ىستەردى استە ىستەمەيمىن، «ءۇش ءتۇرلى كۇشپەن» باتىل كۇرەسەمىن، ۇلتتار ىنتىماعىن جانە قوعام ورنىقتىلىعىن بۇلدىرەتىن ارەكەت اتاۋلىنىڭ بارىمەن باتىل كۇرەسەمىن؛ ۇلكەن دۇرىس، ۇلكەن بۇرىس ماسەلەلەرىنە ءدوپ كەلگەندە، تۋىم ايقىن، تۇرعىم بەرىك بولادى، «ەكىبەتكەيلەرمەن» باتىل كۇرەس جاسايمىن، باتىل ءۇن قاتىپ، ايقىن پوزيتسيا بىلدىرەمىن؛ ءوزىم باستاماشى بولىپ وتباسىمداعىلاردى جاقسى تاربيەلەيمىن جانە باسقارامىن، ءىس جۇزىندىك ارەكەتىممەن ونەگە كورسەتىپ، تۋىس - تۋعاندارىمدى تارتىپكە، زاڭعا بويسۇنۋعا جەتەكتەپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن سانالى قورعايمىن. ونەگەلىك، باستاماشىلدىق رولىمدى باتىل ساۋلەلەندىرىپ، ءوز ۇلەسىمدى قوسامىن.
  ساقا پارتيا مۇشەسى رەتىندە، مەن وتاندى سۇيەمىن، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، «ءۇش ءتۇرلى كۇشپەن» تۋىم ءتىپتى دە ايقىن تۇردە كۇرەس جاساپ، «ەكىبەتكەيلەرگە» باتىل سوققى بەرەمىن جانە ولاردى اشكەرەلەيمىن. ۇلتتار ىنتىماعى تۋىن قاشاندا بيىك ۇستاپ، ۇلتتار ىنتىماعىن قورعاۋدىڭ ونەگەسى بولامىن، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، تانىمدا سەرگەك، ارەكەتتە قاشاندا تاباندى بولامىن. پارتياعا ادال بولىپ، تۋىم ايقىن تۇردە ۇلتتىق بولشەكتەۋشىلىككە قارسى تۇرامىن، وتاننىڭ تۇتاستىعىن قورعايمىن، ۇلتتار ىنتىماعىن بۇلدىرەتىن ءسوز، ءىس - ارەكەت اتاۋلىنىڭ بارىمەن باتىل كۇرەس جاسايمىن!
  ساقا پارتيا مۇشەسى رەتىندە، پارتياعا ادال بولىپ، ءوزىمنىڭ ءبىرىنشى سالاۋاتىم كوممۋنيستىك پارتيا مۇشەسى، ءبىرىنشى جاۋاپكەرلىگىم پارتيا ءۇشىن، حالىق ءۇشىن قىزمەت ىستەۋ ەكەنىن قاشاندا ەستە بەرىك ساقتايمىن. ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاپ، ءوزىمنىڭ ءىس جۇزىندىك ارەكەتىممەن توڭىرەگىمدەگى ادامدارعا ىقپال جاساپ، پارتياعا ماڭگى ىلەسەمىن.
  ساقا پارتيا مۇشەسى رەتىندە، سانالى تۇردە بولشەكتەۋشىلىككە قارسى كۇرەستىڭ باستاماشىسى بولامىن. اسىرەسە، شەشۋشى ساتتەردە كەۋدە كەرىپ العا شىعامىن، اتويلاپ الدا جۇرەمىن، توتەپ بەرەمىن، باتىل سوققى بەرەمىن. ىنتىماق، ورنىقتىلىق − قۇت، بولشەكتەۋشىلىك، بۇلىك − جۇت ەكەنىن قاشاندا ەستە بەرىك ساقتاپ، ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن ىسكە اسىرۋ ءۇشىن ۇلەس قوسامىن.

ءان الەمى

جول توسىلىپ قالدى

تۇلپارىم