باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءمورال ارقىلى ادام تاربيەلەۋدەن جازباي، قوعام ورنىقتىلىعى مەن باياندى تىنىشتىققا جارىق جانە جىلۋ ۇستەيىك

    كەلۋ قاينارى: شينجياڭ گازەتى    2017-09-11 19:31:43  

لي پىڭشين تاڭداۋلى وقىتۋشىلاردىڭ ۋاكىلدەرىمەن امانداستى جانە ولاردان حال سۇرادى

ءتىلشىمىز لي ياڭ 9 - قىركۇيەكتە ۇرىمجىدەن حابارلايدى. 9 - قىركۇيەك تۇستەن كەيىن 33 - رەتكى وقىتۋشىلار مەرەكەسى بايلانىسىمەن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين شينجياڭ اۋىل شارۋاشىلىق ۋنيۆەرسيتەتىنە، شينجياڭ ۋنيۆەرسيتەتىنە بارىپ، ءار ۇلت تاڭداۋلى وقىتۋشىلارىنىڭ ۋاكىلدەرىمەن امانداسىپ جانە ولاردان حال سۇراپ، رايونىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى جانە وسكەلەڭ قۇرمەت ءبىلدىردى. كوپشىلىكتى ءمورال ارقىلى ادام تاربيەلەۋدەن جازباي، وقۋ - اعارتۋ، ءبىلىم بەرۋ ورەسىن ۇزدىكسىز جوعارىلاتىپ، سوتسياليزم ىستەرىنىڭ تولىمدى قۇرىلىسشىلارى مەن سەنىمدى ءىزباسارلارىن جەتىلدىرۋگە، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە جارىق جانە جىلۋ ۇستەۋگە شابىتتاندىردى.
  لي پىڭشين ىلگەرىندى - كەيىندى شينجياڭ اۋىل شارۋاشىلىق ۋنيۆەرسيتەتىنىڭ پەنسياعا شىققان پروفەسسورلارى جوۋ جۋمەن، ابىلەت ابدىرەيىممەن جانە شينجياڭ ۋنيۆەرسيتەتىنىڭ پەنسياعا شىققان پروفەسسورلارى مۇحاببات قاسىممەن، لي رۇيشياڭمەن امانداستى جانە ولاردان حال سۇرادى ءارى ولارمەن ىقىلاستى اڭگىمەلەسىپ، ولاردىڭ وقۋ - اعارتۋ، ءبىلىم بەرۋدە قول جەتكىزگەن تابىستارىن قۇتتىقتاپ، وقۋ - اعارتۋ ىستەرىنە قوسقان كورنەكتى ۇلەستەرىنە العىس ايتتى، مەكتەپ پەن قاتىستى جاقتارعا ساقا پروفەسسورلاردىڭ تۇرمىسىنا، ءسوزسىز، جاقسى قارايلاسۋدى تاپسىردى.
  لي پىڭشين بىلاي دەدى: اۆتونوميالى رايونىمىز باس نىسانانى مىقتاپ ارقاۋ ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل، بەكەم دايەكتىلەندىردى، تياناقتاندىردى، قوعامنىڭ جالپى جاعدايى نەگىزىنەن ورنىقتى بولىپ، جاراسىمدى دا ورنىقتى جاعداي ۇزدىكسىز بەكەمدەلدى؛ ەكونوميكانىڭ دامۋى جالپى جاقتان جاقسارىپ، ەكونوميكانىڭ اينالىمى لايىقتى ارالىقتى ساقتادى؛ قوعامدىق ىستەر قارىشتاپ دامىدى، وتە - موتە، وقۋ - اعارتۋ قىزمەتىنىڭ ناتيجەلەرى ايتاقالسىن بولدى: اۋىل - قىستاقتارداعى مەكتەپكە دەيىنگى وقىتۋ تاريحي بەلەستەن استى؛ وڭتۇستىك شينجياڭ وڭىرىندە 15 جىلدىق تەگىن وقىتۋ الدىمەن جۇزەگە استى، بۇل شينجياڭنىڭ وقۋ - اعارتۋ تاريحىندا ەسكەرتكىشتىك مانگە يە؛ كاسىپتىك اعارتۋ بەلسەندىلىكپەن دامىتىلىپ، 2020 - جىلعا بارعاندا «ايماقتاردا جوعارى تەحنيكۋم بولۋعا، اۋدانداردا ورتا تەحنيكۋم بولۋعا» كەپىلدىك ەتىلدى.
  لي پىڭشين بىلاي دەپ اتاپ كورسەتتى: وسى ناتيجەلەرگە، وتە - موتە، وقۋ - اعارتۋ ىستەرىنىڭ قاۋىرت دامۋىنا ساقا وقىتۋشىلار نەگىزىن قالاعان تاماشا مۇمكىندىكتىڭ ارقاسىندا قول جەتكەن، ونى قالىڭ وقۋ - اعارتۋ قىزمەتكەرلەرىنىڭ جاپالى ەڭبەگىنەن، قالتقىسىز ۇلەسىنەن بولە قاراۋعا كەلمەيدى. ۇزاق ۋاقىتتان بەرى، قالىڭ ساقا وقىتۋشىلار وقۋ - اعارتۋ ىستەرىندە وزگەلەر ورنىن باسا المايتىن ماڭىزدى رول اتقارىپ، عىلمي زەرتتەۋدە ۇلگى بولۋمەن بىرگە، ءمورال ارقىلى ادام تاربيەلەۋ جاعىندا دا ونەگە كورسەتتى، ولار قاجىرلىلىقپەن كۇرەس جۇرگىزۋدىڭ ۇلگىسى، ولار كاسىپتى ءسۇيۋدىڭ، ۇلەس قوسۋدىڭ ۇلگىسى، ولار وزگەلەرگە كومەكتەسۋ ءۇشىن ءوز مۇددەسىن قۇربان ەتۋگە دايىن تۇرۋدىڭ ۇلگىسى. ولاردىڭ رۋحى قالىڭ جاس وقىتۋشىلاردىڭ ۇيرەنۋىنە ابدەن تاتيدى. ساقا وقىتۋشىلاردىڭ اۋەلگى ماقساتتى ۇمىتپاي، ءوز قاسيەتتەرىن ماڭگى ساقتاپ، ءمورال ارقىلى ادام تاربيەلەۋ جانە ۇيرەتۋ، كومەكتەسۋ جانە جەتەكتەۋ رولىن ۇزدىكسىز ساۋلەلەندىرىپ، شينجياڭنىڭ وقۋ - اعارتۋ ىستەرىنىڭ دامۋىنا ءبىر كىسىلىك كۇشىن قوسۋىن ءۇمىت ەتەمىن. 4 ساقا وقىتۋشى اۆتونوميالى رايوندىق پارتكومنىڭ ىقىلاستى قامقورلىعىنا العىس ايتتى. ولار: بۇل ناتيجەلەردى پارتيانىڭ قامقورلىعىنان بولە قاراۋعا بولمايدى، بويداعى قاجىر - قايراتىمىزدى ۇزدىكسىز ساۋلەلەندىرىپ، باستاماشىلدىق ەتىپ، وقىتۋشىلىق ءمورالى وسكەلەڭ، وقىتۋشىلىق ونەرى بەكەم بولۋدىڭ ۇلگىسى بولامىز، - دەستى.
  لي پىڭشين بىلاي دەپ باسا دارىپتەدى: وقۋ - اعارتۋدىڭ نەگىزى وقىتۋشىلاردا. شينجياڭنىڭ بولاشاقتاعى دامۋى جوعارى ساپالى وقىتۋشىلار قوسىنىنا ايرىقشا مۇقتاج. ءپان قۇرىلىسىن ۇزدىكسىز كۇشەيتىپ، مەملەكەت دارەجەلى، اۆتونوميالى رايون دارەجەلى ءتۇيىندى تاجىريبەحانالاردى قۇرىپ، ماماندار مەن وقىتۋشىلاردىڭ جاڭالىق اشۋعا زەرتتەۋ جۇرگىزۋىنە كەڭ تۇعىر ازىرلەپ بەرۋ كەرەك؛ عىلمي زەرتتەۋ ۇجىمى قۇرىلىسىن كۇشەيتىپ، عىلمي دەڭگەيى جوعارى، قابىلەتى مىعىم، قىزمەت تاجىربيەسى مول ساقا پروفەسسورلاردان، ساقا مامانداردان ۇجىم ۇيىمداستىرىپ، تاقىرىپتىق زەرتتەۋ جۇرگىزىپ، ءوندىرىستىڭ، ۇيرەنۋدىڭ، زەرتتەۋدىڭ ءوزارا ۇشتاسۋىن العا ىلگەرىلەتىپ، عىلىم - تەحنيكالىق تابىستاردىڭ كادەگە جاراۋىن جەدەلدەتۋ كەرەك؛ بۇكىل قوعامدا وقىتۋشىلاردى قۇرمەتتەپ، وقۋ - اعارتۋعا ءمان بەرەتىن تاماشا اۋقىمدى تىنباي قالىپتاستىرىپ، قالىڭ وقىتۋشىلارعا تاماشا تۇرمىس جانە قىزمەت ورتاسىن ازىرلەۋ قاجەت.

ءان الەمى

جول توسىلىپ قالدى

تۇلپارىم