باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءسىز توپىراقسىز وسىرىلەتىن داقىلداردى ەستىپ پە ەدىڭىز؟

    كەلۋ قاينارى: شينجياڭ حالىق راديو ىستانسياسى    2017-09-08 20:45:51  
ءبىز كەڭ كوسىلگەن اتىزدارعا ەگىلگەن ءار ءتۇرلى داقىلداردى كورىپ ءجۇرمىز. داقىلدار توپىراقسىز وسپەيدى. ويتكەنى توپىراق داقىلداردىڭ وسۋىنە قاجەتتى ازىقتىق قانا سۋمەن قامدايدى. ەندەشە، ءسىز توپىراقسىز وسىرىلەتىن داقىلداردى ەستىپ پە ەدىڭىز؟
سوناۋ 200 جىلدىڭ الدىندا، ادامدار داقىلدار قاجەت ەتەتىن ازىقتىق پەن سۋدى وعان توتە بەرىپ، توپىراقسىز ءوسىرۋ ويىندا بولعان. 200 جىلعا جۋىق ۋاقىت تاجىريبە جاساۋ جانە اماليات ارقىلى قازىر داقىلداردى توپىراقسىز ءوسىرۋ ءادىسى بۇكىل دۇنيە جۇزىنە جالپىلاستى.
توپىراقسىز ءوسىرۋ تەحنيكاسى ءىس جۇزىندە ارالاستىرىلىپ جاسالعان بەيورگانيكالىق ازىقتىق ەرتىندى ارقىلى ەگىس داقىلدارىن جەتىلدىرۋ ءادىسى بولىپ تابىلادى. تيىپتىك توپىراقسىز ءوسىرۋ جىلىجايى بولات قۇرىلىمدى بولادى، سىرتىنا بەرىك سۋلياۋ جابدىق جابىلادى. ول ءارى بەرىك ءارى جەڭىل بولادى. سونداي-اق كۇن نۇرىن مولىنان قابىلداپ، اۋارايىنىڭ شۇعىل وزگەرىسىنە توتەپ بەرە الادى. ەگىس داقىلدارىنا بەرىلەتىن بەيورگانيكالىق ازىقتىق ەرتىندى سۋلياۋ قۇبىرمەن جەتكىزىلەدى. سونداي-اق بۇكىلدەي اۆتوماتتاسقان. اسەر جەتكىزەىش داقىلدىڭ شىققانىن نەمەسە شولدەگەنىن سەزگەن كەزدە سەرپىندى سەگىنال بەرەدى. سونىمەن ازىقتىق پەن سۋ اعىپ كەلەدى، داقىل قانىققان كەزدە ازىقتىق جانە سۋمەن قامداۋ وزدىگىنەن توقتايدى.
ەندى ءبىر ءتۇرلى مۇنارا سەكىلدى جىلىجاي كوكونىس زاۆودى بار. ول ونەركاسىپتەگى اۆتوماتتانعان ءوندىرىس لەنياسىنا ۇقسايدى، كوكونىس مايساسى ۆەرتيكال ورلەپ-تومەندەيتىن جەتكىزۋ تاسپاسىندا اسىلعان ءوسىرۋ تۇبەگىنە ەگىلەدى. جەتكىزۋ تاسپاسى نەگىزىنەن ۆەرتيكال كۇيدە 10 ءوسىرۋ تۇبەگىن الىپ جۇرە الادى. جەتكىزۋ تاسپاسىنىڭ استىڭعى جاعىندا ءوسىرۋ سۇيىقتىعى قۇيىلعان ۇزىن وقىر بار. كومپيۋتەر جەتكىزۋ تەحنيكاسىنىڭ ارەكەتىن باسقارادى. جەتكىزۋ تاسپاسىنداعى ءوسىرۋ تۇبەگى استىنا تۇسكەن كەزدە وقىرداعى بەيورگانيكالىق ازىقتىق ەرتىندىگە شىلانادى. سونىمەن بىرگە وعان سۋ بۇركىلەدى. جارىق تۇسىرۋ اسپابىن ىستەتىپ، بۇلىڭعىر جاڭبىرلى كۇندەردەگى كۇن نۇرىنىڭ جەتىسپەۋىن تولىقتاۋعا بولادى. توپىراقسىز وسىرىلەتىن جىلىجايدا اۋا رەتتەگىش جانە جىلىتقىش اسپابى بولادى. مەيلى شىلىڭگىر ىستىق بولاتىن ەكۆاتوردا بولسىن، الدە قاقاعان ايازدى وڭتۇستىك جانە سولتۇستىك ۇيەكتە بولسىن، بارىندە جىلدىڭ ءتۇرت ماۋسىمىندا ەگىن ەگۋگە بولادى. توپىراقسىز وسىرەتىن جىلىجايدا ەگىن ەگۋ قىمباتتى ەگىستىك جەردى ۇنەمدەدى. مۇنارا سەكىلدى جىلىجايدا بىرلىك ورىنداعى داقىلداردىڭ ەگىلۋ مولشەرى اتىزدا ەگىلگەن داقىلدىڭ ون ەسەسىندەي كەلەدى. سوندىقتان، ادامداردىڭ قونىسى كەڭىستىككە قاراي دامىپ قالماستان، قىلاياعى ەگىس داقىلدارى دا كەڭىستىككە قاراي دامىپ بارادى.
ءان الەمى

جول توسىلىپ قالدى

تۇلپارىم