باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ الاتاۋ ساعاسى وتكەلىنىڭ اۆتوموبيل يمپورت ەتۋ ساۋدا سوماسى 140 ميلليون يۋانعا جەتتى

    كەلۋ قاينارى: شينجياڭ حالىق راديو ىستانسياسى    2017-09-03 20:55:22  

شينحۋا اگەنتتىگىنىڭ ۇرىمجىدەن بەرگەن حابارى: الدىڭعى 8 ايدا، ەلىمىزدىڭ باتىس-سولتۇستىگىندەگى ەڭ ءىرى قۇرىلىقتىق وتكەل شينجياڭ الاتاۋ ساعاسى وتكەلىنىڭ اۆتوموبيل يمپورت ەتۋ ساۋدا سوماسى 140 ميلليون يۋانعا جەتىپ، بىلتىرعى ءبىر جىلداعى جالپى ساۋدا سوماسىنىڭ 5.3 ەسەسىنە تۋرا كەلدى.
ءتىلشىنىڭ الاتاۋ ساعاسى وتكەلى قورعامالى باجى رايونىنان ۇعىسۋىنا قاراعاندا، الاتاۋ ساعاسى وتكەلى بىلتىر قىركۇيەك ايىندا ەلىمىزدەگى 7 مينىستىرلىك-كوميتەتتىڭ بەكىتۋىمەن، اۆتوموبيلدى يمپورت ەتۋ قىزمەتىن سىناق رەتىندە باستاپ، اۆتوموبيلدى «كەلگەن جەرىندە باجى تاپسىرۋدان»، «كەلگەن جەرىندە باجى قورعاۋعا» وزگەرتىپ، ساۋدا كاسىپورىندارىنا تەكسەرۋ، كەدەننەن وتكىزۋ جانە وزىندىك قۇن جاعىندا كوپتەگەن تيىمدىلىك جەتكىزگەن.
بۇرىندارى يمپورت ەتىلەتىن اۆتوموبيلدەر الدىمەن تەڭىز تاسمالى ارقىلى تيانجين، شاڭحاي سىندى تەڭىز جاعالاۋىنداعى قالالارعا جەتكىزىلىپ، كەدەندىك ءراسمياتتارى وتەلگەننەن كەيىن، باتىس بولەككە جەتكىزىلەتىن، بۇعان كەم دەگەندە 2 اي ۋاقىت كەتەتىن. قازىر، تەمىر جول ارقىلى اۆتوموبيل يمپورت ەتۋدە شينجياڭداعى الارماندار بۇرىنعىعا قاراعاندا، 40 كۇن بۇرىن اۆتوموبيلىن تاپسىرىپ الادى. قازىرگە دەيىن، اۆتوموبيىل يمپورت ەتەتىن 13 كاسىپورىن الاتاۋ ساعاسى قورعامالى باجى رايونىنا ىرگە تەپتى، الاتاۋ قالاسى تاعى قازىنالىق جاقتان سۇيەمەلدەۋ، فينانىس جاقتان قىزمەت وتەۋ، ونەركاسىپ رايونىنىڭ قۇرىلعى قۇرىلىستارى سياقتى جاقتاردان اۆتوموبيل يمپورت ەتەتىن كاسىپورىنداردى ساياساتتىق جاقتان قولدادى. الاتاۋ قالالىق پارتكومنىڭ ورىنباسار شۋجيى ۋاڭ يۇڭ تىلشىگە :-الاتاۋ قالاسى اۆتوموبيل يمپورت ساۋداسىن شىعار ءتۇيىن ەتىپ، قامتىم اۋماعىن بىرتىندەپ ارتتىرىپ، سوڭىندا بۇكىل باتىس-سولتۇستىكتەگى اۆتوموبيل يمپورت بازاسى بولۋعا كۇش سالادى،-دەدى.
ەلىمىزدىڭ باتىس-سولتۇستىك رايونىندا، الاتاۋ وتكەلىنەن سىرت، شينجياڭ قورعاس اۆتوموبيل يمپورت ەتۋ شەكارا وتكەلى، شي-ءان پورتى اۆتوموبيل يمپورت ەتۋ وتكەلى بيىل ارت-ارتىنان قاتىستى ورىنداردىڭ بەكىتۋىنەن ءوتتى.

ءان الەمى

جول توسىلىپ قالدى

تۇلپارىم