باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تۇرپان ءجۇزىم مەرەكەسىندە 216 ءتۇرلى ءجۇزىم قويىلدى

    كەلۋ قاينارى: ءتاڭىرتاۋ تورابى    2017-08-29 19:41:06  

26-تامىز، ءجۇزىم مەرەكەسى اشىلعان ناق مايداندا، تۇرپان ءان-ءبي ۇيىرمەسىندەگى ارتيستەر ءتۇرلى جۇزىمدەردى الىپ شىعىپ، كەلگەن قوناقتاردى تاتىپ كورۋگە ۇسىنىس ەتتى

سامسىعان ءجۇزىم ساباعىنىڭ ەڭ ۇزىنى 65 سانتيمەترگە، ەڭ اۋىرى 4.2 كيلوگرامعا جەتەدى؛ ءبىر تال ءجۇزىم ءبىر تال بودەنەنىڭ جۇمىرتقاسىنداي ۇلكەن، ەڭ كىشكەنەسى قىزىل بۇرىشتاي جىڭىشكە... 26-تامىز، 26-كەزەكتى جۇڭگو جىبەك جولىنداعى تۇرپان ءجۇزىم مەرەكەسى اشىلدى، 216 ءتۇرلى جاس جۇزىمدەر اتالعان كورمەگە قويىلدى.
ءتىلشىنىڭ ناق مايداننان ۇعىسۋىنشا، وسى رەتكى ءجۇزىم مەرەكەسىندەگى جاس جۇزىمدەردىڭ سورتى مول بولىپ، الدىڭعى كەزەكتەگىلەرمەن سالىستىرعاندا 170 تۇردەن 216 تۇرگە ارتقان. سونىمەن بىرگە مەيىز، ءجۇزىم شارابى قاتارلى جەلىلەس ونىمدەر دە قويىلىپ، تۇرپان ءجۇزىم مادەنيەت مەرەكەسى مەن ەرەكشەلىككە يە مول ساياحات قاينارلارىنا دا نازار سالىندى.
وسى رەتكى كورمەگە قويىلعان 216 ءتۇرلى جاس جۇزىمدەر بولسا، تۇرپان ويپاتىنداعى ءارقايسى اۋىل، قالاشىقتاردان جينالىپ اكەلىنگەن، بۇلاردىڭ ىشىندە جاڭا جەتىلدىرىلگەن سورتتار مەن سيرەك كەزدەسەتىن تۇرلەر دە بار.
حۋناننان كەلگەن ساياحاتشى جاڭ سايجيۇن ءوزى فوتوعا تۇسىرگەن جۇزىمدەردىڭ سۋرەتىن دوستار شەڭبەرىنە شىعارىپ، قىزۋ قارسى الۋعا بولەندى. ول بىلاي دەدى: تۇرپاننىڭ ءجۇزىم مەرەكەسىنە وسىنداي كوپ تۇردەگى جۇزىمدەر قويىلادى دەپ ويلاماپپىن، رەڭدەرى مەن ۇلكەن كىشىلىكتەرى ۇقسامايدى. ءتىپتى دامدەرى دە ءار ءتۇرلى.
مەملەكەتتىڭ ءجۇزىم وندىرەتىن ەڭ ۇلكەن بازاسى بولعان تۇرپاننىڭ «دۇنيەدەگى ءجۇزىم وسىمدىك باقشاسى» دەگەن اتقا يە بولىپ، 550 ءتۇرلى ءجۇزىم بار. ءارى ءار جىلى جاڭا سورتتار دا قوسىلىپ تۇرادى. جاڭا سورتتاردىڭ زەرتتەلىپ قوسىلۋىنا ىلەسە، تۇرپان جۇزىمدەرىنىڭ پىسۋ ماۋسىمى بۇرىنعى ناۋرىز ايىنان ءساۋىر ايىنىڭ ورتا مەزگىلىنەن قىركۇيەك ايىنىڭ سوڭىنا دەيىن ۇزاردى.

ءان الەمى

جول توسىلىپ قالدى

تۇلپارىم