باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اعارعان ءشاشتى قاراعا بوياۋ دەنساۋلىققا زياندى...

    كەلۋ قاينارى: شينجياڭ گازەتى    2017-08-27 00:21:40  
شەكتەن تىس ارىقتاۋ
دەنە سالماعىنىڭ كورنەكتى تۇردە تومەندەۋى دەنەدەگى ۆيتامين مەن مينەرالدىق زاتتىڭ جەتىسپەۋىنەن شاشتىڭ سۇيىلۋىن تۇدىرۋى مۇمكىن. ال جەمىس-جيدەك پەن كوكونىستەردى كوپ تۇتىنىپ، دەنە شىنىقتىرۋ ارقىلى ارىقتاۋ تۇسكەن شاشتىڭ ورنىنا قايتادان شاش شىعارادى ەكەن.
ۇنەمى شاش جاساتۋ
ۇزاق ۋاقىت شاشتى بۇيرالاۋ، بوياتۋ، ءورۋ سياقتى جاعدايلار، ماسەلەن شاشتى فيزيكالىق جولمەن سوزۋ، جوعارى جىلۋلىق نەمەسە حيميالىق ءدارى-دارمەكتىڭ ىقپالىنان شاش ءتۇبى زاقىمدالىپ، تۇسكەن شاشتىڭ قايتا شىعۋىنا بوگەت جاسايدى. سوندىقتان ماماندار شاشتى بۇيرالاتۋ سانىن ازايتىپ، ءار رەت شاش جۋعاننان كەيىن شاشتى قورعاۋ سۇيىقتىعىن ىستەتىپ، شاشتى تابيعي تۇردە كەپتىرۋ كەرەكتىگىن ءارى ءبىر اپتادا ەلەكتر قۇرعاتقىشتى پايدالانۋدى ءبىر رەتتەن اسىرماۋ كەرەكتىگىن ەسكەرتەدى.
ۆيتامين Aنى ارتىق تۇتىنۋ
قۇرامىندا ۆيتامين A بار تولىقتىرعىش زاتتى نەمەسە ءدارى-دارمەكتى ارتىق تۇتىنۋ شاشتىڭ ءتۇسۋىن كەلتىرىپ شىعارادى. ءبىراق بۇل تۇردەگى سەبەپتەن كەلىپ شىققان شاش ءتۇسۋدىڭ زاردابىن قالپىنا كەلتىرۋگە بولادى. مۇندا الدىمەن ۆيتامين A نىڭ ءسىمىرىلۋىن ازايتساق، شاش وزدىگىنەن قايتا شىعاتىن بولادى.
B ءتيپتى ۆيتامين كەمشىل بولۋ
قورەكتىكتىڭ جەتىسپەۋىنەن كەلىپ شىعاتىن شاش ءتۇسۋدى قالپىنا كەلتىرۋگە بولادى. مۇندا قۇرامىندا B ءتيپتى ۆيتامين مول ازىقتاردى، ياعني بالىق، ەت، جۇمىرتقا، جاڭعاق سياقتىلاردى كوبىرەك تۇتىنۋ شاشتىڭ احاۋسىزدىعىنا پايدالى بولىپ قالماستان، دەنساۋلىقتى دا كۇشەيتەدى.
بەلوك كەمشىل بولۋ
ازىقتىقتىڭ قۇرامىندا بەلوك كەمشىل بولسا، دەنەنىڭ شاشقا قاجەتتى بەلوكپەن قامدالۋى تەجەلەدى ءارى ەكى-ءۇش ايدان كەيىن شاش ءتۇسۋ قۇبىلىسى پايدا بولادى. سوندىقتان بەلوك قۇرامى مول ەت جانە جۇمىرتقا تەكتەس تاعامداردى كوبىرەك تۇتىنۋ كەرەك.
قان ازدىق
تەمىر جەتىسپەۋ سيپاتىنداعى قان ازدىق شاشتىڭ ءتۇسۋىن كەلتىرىپ شىعارۋمەن بىرگە، قالجىراۋ، باس اينالۋ، قول-اياق مۇزداۋ، ءوڭى قاشۋ سياقتىلاردى كەلتىرىپ شىعارادى. مۇنداي جاعدايدا تەمىردى كوبىرەك تولىقتاپ، ەت ونىمدەرىن نەمەسە تولىقتىرعىش ءدارى-دارمەكتەردى لايىقتى تۇتىنسا، شاش ءتۇسۋدىڭ الدىن الادى.
كوڭىل كۇي ورنىقتى بولماۋ
كوڭىل كۇيدىڭ ورنىقتى بولماۋى دەنەدەگى كومەسكى اۋرۋلاردى قوزعاۋمەن بىرگە، شاشتىڭ ءتۇسۋىن كەلتىرىپ شىعارادى. سوندىقتان كوڭىل كۇي جاقتاعى قىسىمدى بەلسەنە تەجەپ، كوبىرەك ارەكەت جاساپ، تۋىس-تۋعان، دوس-جاراندارمەن اڭگىمەلەسىپ، كوڭىل كۇيدى كوتەرىڭكى ۇستاۋ كەرەك.
جارالانىپ قالۋ
اۆتوموبيل شىرعالاڭى، سالماقتى اۋرۋلارعا تاپ بولۋدىڭ، ءتىپتى جۇقپالى تۇماۋعا شالدىعۋدىڭ بارلىعى شاشتىڭ قالىپتى ءوسۋىن ءبۇلدىرىپ، شاشتىڭ ءتۇسۋىن كەلتىرىپ شىعارادى. بۇل نەگىزىنەن جارالانىپ نەمەسە اۋىرعاننان كەيىنگى 3 تە 6 اي ىشىندە بولادى. مۇنداي جاعدايدا الاڭداپ كەتپەۋ قاجەت، ويتكەنى دەنساۋلىقتىڭ قالپىنا كەلۋىنە بايلانىستى، تۇسكەن شاش تا قايتا شىعادى.
اتالىق گورمون قالىپسىز بولۋ
60 جاستان اسقاننان كەيىن قارتتاردىڭ 3\2 سىنىڭ توبە شاشى سيرەپ، سامايىنان باستاپ M فورماسىنداعى شاش بەلدەۋى پايدا بولادى. بۇل گەن جانە اتالىق گورمونمەن قاتىستى بولادى. سوندىقتان سىرتتاي پايدالاناتىن شاش شىعارۋ سۋيىقتىعىن ىستەتىپ نەمەسە ءدارى ءىشىپ، شاشتىڭ ءتۇسۋىن تەجەپ، شاشتىڭ قايتا شىعۋىنا كۇش سالعان ءجون.
تۇقىم قۋالاۋ
ەگەر اۋلەتىندە شاش ءتۇسۋ قۇبىلىسى بولسا، وندا سول وتباسىنداعى ادامنىڭ بەلگىلى جاسقا كەلگەندە شاشى تۇسە باستايدى ءارى شاشىنىڭ ءتۇسۋ مولشەرى دە ارتا تۇسەدى.
مۇندا ايەلدەردىڭ شاشىنىڭ سۇيىلۋى ەرلەرمەن سالىستىرعاندا وڭاي تۋىلادى. سوندىقتان ايەلدەر شاش شىعارۋ سۋيىقتعىن پايدالانىپ ، شاشتىڭ ءتۇسۋىن تەجەپ، قايتا شىعۋىن جەبەۋى كەرەك.
قالقانشا بەز قىزمەتىنىڭ السىرەۋى
قالقانشا بەز جەتكىلىكتى گورمون ءبولىپ شىعارا المايتىندىقتان، دەنەنىڭ قالىپتى زات الماسۋىنا ىقپال جاساپ، شاشتىڭ ءتۇسۋىن كەلتىرىپ شىعاراۋى مۇمكىن. مۇنداي جاعدايدا شيپاگەرگە بارىپ قالقانشا بەز قىزمەتىن تەكسەرتىپ، سايكەستى ەمدەلگەن ءجون.
يممۋنيتەت جۇيەسىنىڭ اۋرۋىنا شالدىعۋ
ەگەر يممۋنيتەت جۇيەسى قالىپتان تىس كۇشەيەتىن بولسا، شاش ءتۇسىرەدى. قىزىل جەگى تىرتىق حارەكترلى شاش ءتۇسۋدى كەلتىرىپ شىعارۋى مۇمكىن ءارى بۇل تۇسكەن شاش قايتالاي ءوسىپ شىقپاۋى مۇمكىن. مۇنداي جاعدايدا شاش فورىمىن وزگەرتىپ، تۇسكەن شاشتىڭ ورنىن قالقالاپ ءجۇرۋ كەرەك.
كەيبىر ءدارى-دارمەكتەر
رەۆماتيزم مەن تەرى اۋرۋىن ەمدەۋگە پايدالانىلاتىن بروفن سياقتى كەيبىر ءدارى-دارمەكتەر شاشتى ءتۇسىرۋى مۇمكىن. سوندىقتان مۇنداي ءدارى-دارمەكتەردى ىستەتۋدە شيپاگەردەن كەڭەس سۇراۋ كەرەك.
ءان الەمى

جول توسىلىپ قالدى

تۇلپارىم