باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاز مەزگىلىندە قارتتار تومەندەگى اۋرۋلاردان ساقتانعانى ءجون

    كەلۋ قاينارى: شينجياڭ حالىق راديو ىستانسياسى    2017-08-22 15:53:22  
اسقازان-ىشەك اۋرۋلارى
كۇننىڭ ىستىق نەمەسە ىلعالدى بولۋىنان تاعامدار وڭاي بۇزىلىپ، ساپاسى وزگەرەدى. شيپاگەرلەر ساپاسى وزگەرگەن، ۋاقىتى وتكەن ازىقتىقتارمەن ازىقتانۋدان ساقتانىپ، ءىش ءوتۋ، ءىش اۋرۋ سياقتى شۇعىل حاراكتەرلى اسقازان-ىشەك اۋرۋلارىنىڭ الدىن الۋ كەرەكتىگىن ەسكەرتتى. سونىمەن بىرگە، ىلعالدى كۇندەردە سۋىق قاربىز، سۋىق شاي، سۋىق سۋ سياقتىلاردى تۇتىنۋدان ساقتانۋ قاجەت.
ەسكەرتۋ: اۋىر دارەجەدە قۇسىپ، ءىشى وتكەن كەزدە ادام دەنەسىندەگى سۋ قۇرامى مەن ەلەكتروليت كوپ مولشەردە ازايىپ، قىشقىل مەن نەگىزدىڭ تەپە-تەڭدىگى بۇزىلىپ، جۇرەك سوعۋ ريتىمىنىڭ قالىپسىزدىعىن كەلتىرىپ شىعارادى. قىسقا مەرزىم ىشىندە دەنەدەگى سۋ كوپ مولشەردە ازاياتىندىقتان، جۇرەككە جەتكىزىلەتىن قاننىڭ مولشەرى ازايىپ، قاننىڭ قويۋلىق دارەجەسى جوعارىلاپ، قاننىڭ قان تامىرداعى اعۋ قارقىنى باياۋلاپ، قان ۇيۋدى وڭاي پايدا قىلىپ، ايدارشا ارتەريا قان تامىرىنىڭ قاتايۋىن تۋدىرادى. ونىڭ ۇستىنە، قارتتار ءىشى وتكەندە دارەتكە كوپ باراتىندىقتان، دەم الا الماي، قاتتى قالجىراپ، قان قىسىمنىڭ جوعارىلاۋى مەن ايدارشا ارتەريا قان تامىرىنىڭ ءتۇيىلۋى وڭاي تۋىلادى.
جۇرەك-قان تامىر اۋرۋلارى
قارتتاردىڭ جوعارى تەمپەراتۋراعا ۇيلەسۋ قابىلەتى تومەن بولاتىندىقتان، جاز مەزگىلىندە قان قىسىمى وڭاي جوعارىلاپ، ميعا قان قۇيىلۋى مۇمكىن؛ اسىرەسە مىنەزى كۇيگەلەك ادامداردىڭ كۇن ىسىعاندا سيمپاتيكالىق نەرۆى وڭاي قوزىپ، جۇرەكتىڭ سوعۋ ريتىمى تەزدەۋ، پەريوتتى گورموننىڭ ءبولىنۋى كوبەيۋ سىندى بەلگىلەر پايدا بولىپ، وسى ارقىلى قان تامىردىڭ تارايۋى، قان قىسىمىنىڭ جوعارىلاۋى، باس اينالۋ، جۇرەگى اينۋ، قۇسۋ، قوبالجۋ، جۇرەگى قىسىلۋ، جۇرەك تالماسى سياقتىلاردى تۋدىرادى، اۋىر بولعاندا ميعا قان قۇيىلۋعا اپارىپ سوعادى. سوندىقتان قارتتار جاز مەزگىلىندە قان قىسىمىن ولشەتىپ تۇرۋعا كوڭىل ءبولۋى كەرەك.
تىنىس جولى اۋرۋلارى
جاۋىن-شاشىندى كۇندەرى تەمپەراتۋرا پارقى زور بولادى. كۇننىڭ ىلعالدى بولۋى تىنىس جولى اۋرۋلارىن وڭاي قوزدىرادى. شيپاگەر قارتتاردىڭ جاڭبىرلى كۇندەردە تەرەزەنى اشىپ اۋا الماستىرىپ تۇرۋ كەرەكتىگىن ەسكەرتەدى.
تەرى اۋرۋلارى
تەمپەراتۋرا جوعارى، اۋا رايى ىلعالدى مەزگىلدە باكتەريانىڭ قوزعالىسى ارتىپ، تەرىدەن تەر شىققاندا جۇعىمدالۋ سيپاتتى تەرى قابىنۋ اۋرۋىن وڭاي تۋدىرادى. شيپاگەرلەر قارتتاردىڭ جاز مەزگىلىندە اۋا وتكىزگىشتىگى جاقسى، تەر سىمىرەتىن ماقتالى كيىمدەردى كيۋدى ەسكەرتەدى.
ءان الەمى

جول توسىلىپ قالدى

تۇلپارىم