باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۋادە بويىنشا ا ق ش زۇڭتۇڭى ترامپپەن تەلەفوندا سويلەستى

    كەلۋ قاينارى: xjbs    2017-08-15 19:16:06  

شينحۋا اگەنتتىگىنىڭ 12 - تامىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - تامىزدا ۋادە بويىنشا ا ق ش زۇڭتۇڭى ترامپپەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: زۇڭتۇڭ مىرزامەن الدىڭعى ايدا گەرمانيانىڭ حانبۋرگ قالاسىنداعى كەزدەسۋىمىز ءساتتى بولعان ەدى. ءبىزدىڭ جۇڭگو مەن ا ق ش - تىڭ ەلباسى سالاۋاتىمىزبەن ورتاق كوڭىل بولەتىن ماسەلەلەر جونىندە قويۋ اۋىس - كۇيىستى ساقتاۋىمىز جۇڭگو مەن ا ق ش - تىڭ دامۋى جونىنەن اسا ماڭىزدى. تاراپتار زۇڭتۇڭ مىرزا ەكەۋىمىز كەلىسكەن ورتاق تانىم بويىنشا، تىلدەسۋ مەن پىكىر اۋىستىرۋدى ۇزبەي كۇشەيتىپ، ءار سالاداعى اۋىس - كۇيىستى، سەلبەسۋدى ىلگەرىلەتىپ، ءوزارا كوڭىل بولەتىن ماسەلەلەردى ۇيلەسىمدى ءبىر جاقتى ەتىپ، جۇڭگو مەن ا ق ش قاتىناسىنىڭ اقاۋسىز، ورنىقتى دامۋىن جەبەۋ كەرەك. جۇڭگو زۇڭتۇڭ مىرزانىڭ بيىل جۇڭگوعا مەملەكەتتىك ىستەر بويىنشا ساپارلاي كەلۋىنە باسا ءمان بەرەدى، ەكى ەلدىڭ قىزمەت ۇيىرمەسى بىرگە قۇلشىنىپ، دايارلىق قىزمەتتەرىن ويداعىداي ىستەۋى كەرەك.

  ترامپ بىلاي دەدى: حانبۋرگتەگى كەزدەسۋدەن سوڭ، ءتوراعا شي جينپيڭمەن تاعى ءبىر رەت تىلدەسكەنىمە اسا قۋانىشتامىن. مەن ءتوراعا شي جينپيڭمەن كەلەلى ماسەلەلەر جونىندە پىكىر اۋىستىرۋىم، سايكەسۋىم ەكى ەلدەگى ءار دارەجەلى ورىندار مەن ءار سالانىڭ اۋىس - كۇيىسىن كۇشەيتۋدە اسا ماڭىزدى. قازىر ا ق ش پەن جۇڭگو قاتىناسىنىڭ دامۋ بەتالىسى جاقسى، ءتىپتى دە جاقسى دامي تۇسەتىنىنە سەنەمىن. جۇڭگوعا مەملەكەتتىك ىستەرمەن ساپارلاي بارۋدى كۇتىپ وتىرمىن.

  ەكى ەل باسشىلارى كەزەكتەگى كورەي تۇبەگى جاعدايى جونىندە پىكىر اۋىستىردى. شي جينپيڭ مىنانى باسا دارىپتەدى: جۇڭگو مەن ا ق ش كورەي تۇبەگىن يادروسىزداندىرۋ، كورەي تۇبەگىنىڭ بەيبىتشىلىگى مەن ورنىقتىلىعىن قورعاۋ جاعىندا ورتاق مۇددەگە يە، قازىر قاتىستى جاق سابىر ساقتاۋى، كورەي تۇبەگى جاعدايىن شيەلەنىستىرەتىن ءسوز - ارەكەتتەردەن اۋلاق بولۋى كەرەك. كورەي تۇبەگىنىڭ يادرو ماسەلەسىن شەشۋدە، سايىپ كەلگەندە، تىلدەسۋ، كەڭەسۋ، ساياسي جولمەن شەشۋ ۇلكەن باعىتىنان جازباۋ كەرەك. جۇڭگو ءوزارا قۇرمەت ەتۋ نەگىزىندە ا ق ش - پەن تىلدەسۋدى، كورەي تۇبەگى يادرو ماسەلەسىنىڭ ۇيلەسىمدى شەشىلۋىن بىرگە ىلگەرىلەتۋدى قالايدى.

  ترامپ بىلاي دەدى: ا ق ش جۇڭگونىڭ كورەي تۇبەگى ماسەلەسىندە اتقارعان رولىن تولىق تۇسىنەدى، جۇڭگومەن بىرگە ورتاق كوڭىل بولەتىن كەلەلى حالىقارالىق، وڭىرلىك ماسەلە جونىندە قويۋ بايلانىستى ساقتاۋدى قالايدى.

كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم