باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتار ىنتىماعىن باتىل قورعايىق

    كەلۋ قاينارى: شينجياڭ گازەتى    2017-07-17 19:33:56  

اۆتونوميالى رايوندىق ورگان ىستەرىن باسقارۋ مەكەمەسىنىڭ زەينەتكەرى ءتالات سۇلتان

بالا كەزىمدە اۋلاداعى حانزۋ دوستارىممەن اسىق جانە سوقىر تەكە ويىنىن وينايتىنمىن، سول شاقتا اۋلانىڭ ءىشىن بالالاردىڭ شات كۇلكىسى كەرنەيتىنىءالى ەسىمدە؛ قىزمەتكە قاتىناسقاننان كەيىن، حانزۋ كاسىپتەستەرىمنىڭ ماعان كاسىپتىك بىلىمدەردى دەن قويا ۇيرەتىپ، بىرلىكتە العا باسقانىمىز ءالى ەسىمدە؛ پارتياعا كىرگەندە ساقا شۋجيدىڭ ايتقان عيبىراتى كوكەيىمدە ءالى سايراپ تۇر؛ قۇربان ايتتا ءار ۇلت بالالارىنىڭ ايتقان ىزگى تىلەكتەرى كوكەيىمدە ساقتاۋلى. سول كەزدەگى ءومىر ەلەستەرى بال شىرىنعا تولى، جۇرەككە شۋاق باعىشتايتىن، ىنتىماقتى، جاراسىمدى، العا باسقان شاقتار ەدى.
  ارادا ۇزاق وتپەي - اق، ءدىن تونىن جامىلعان ات توبەلىندەي «سودىرلار» پايدا بولدى، ولار ءىسلام ءدىنى شاريعاتتارىن بەتالدى بۇرمالاپ، وزگەرتىپ، ويدان قۇراستىردى، ءدىني اپتىقپالىق تۋدىرىپ، ۇلتتىق وشپەندىلىك قوزعاۋعا ۇرىندى، مەملەكەتتىڭ جانە اۆتونوميالى رايوننىڭ ۇلت،ءدىن ساياساتتارىن بۇرمالادى، وسەك - اياڭ تاراتىپ، جۇرتتى دۇرلىكتىرىپ، دۇرىس پەن بۇرىستى، اق پەن قارانى شاتاستىردى، زورلىقتى كۇش، لاڭكەستىك دەلولارىن تۋدىردى. قاندى فاكت بىزگە «ءۇش ءتۇرلى كۇشتىڭ» ىستەگەندەرىنىڭ بارلىعى قوعامعا، ادامزاتقا، وركەنيەتكە قارسى جاۋىزدىق ارەكەت ەكەندىگىن، ولاردىڭ شينجياڭداعى ءار ۇلت حالقىنىڭ ورتاق جاۋى ەكەندىگىن سىپاتتادى.
  مەن بۇلىكشىلەرگە «تايىنشا تۋلاپ ىڭىرشاق شاقپاس» دەگەندى ايتامىن. وتاندى بولشەكتەۋگە، مەملەكەتتىڭ حاۋىپسىزدىگىنە زالال جەتكىزۋگە، ۇلتتار ىنتىماعىن بۇلدىرۋگە، ءار ۇلت حالقىنىڭ ءتۇبىرلى مۇددەسىنە زيان جەتكىزۋگە ۇرىنعان ءارقانداي جاۋىزدىق ارەكەتتىڭ ءتۇبى جاقسىلىققا اپارىپ سوقپايدى. ولار، ءسوزسىز، زاڭنىڭ قاتاڭ جازاسىنا تارتىلادى، ءسوزسىز، سىلەيتە سوققى بەرىلەدى؛ سەندەردىڭ زورلىقتى كۇش، لاڭكەستىك ارەكەتتەرىڭ تەك «ءالىن بىلمەگەن الەك بولعاندىق»، «ءوز تۇبىنە ءوزى جەتكەندىك».
  پارتيا ۇزاق جىل باۋلىپ تاربيەلەگەن ۇيعۇر كادر رەتىندە مەن قازىر زەينەتكە شىققانىممەن، كەۋدە كەرە العا شىعىپ باتىل ءۇن قاتىپ، ايقىن پوزيتسيا ءبىلدىرۋ جاۋاپكەرشىلىگىم جانە بورىشىم بار دەپ سانايمىن، «ءۇش ءتۇرلى كۇشتىڭ» زورلىقتى كۇش ارەكەتتەرىنە لاعىنات ايتامىن. مەن پارتيا مەن ۇكىمەتتىڭ حالىق بۇقاراسىمەن كوڭىل توعىستىرۋىندا دانەكەر بولىپ، پارتيانىڭ ءتۇرلى ساياساتتارىن ويداعىداي ۇگىتتەيمىن، ۇلتتار ىنتىماعىن بەلسەنە جەبەيمىن. زەينەتكە شىققانىممەن، پارتيالىلىقتان جازبايمىن، قىزمەت ورنىمنان قول ۇزگەنىممەن، پارتيادان قول ۇزبەيمىن، داڭقتى تاريحتى قاستەرلەپ، ساياسي قاسيەتتى ماڭگى ساقتايمىن؛ ۇلتتار ىنتىماعىن جەبەۋگە «دەمەۋشى»، قوعام ورنىقتىلىعىن قورعاۋداعى «الدىڭعى شەپ قاراۋىلى»، ءار ۇلت جۇرتشىلىعىن ۇيىستىرۋداعى «جابىستىرعىش جەلىم»، داۋ - شاردى شەشۋدەگى «جىبىتكىش ماي» بولۋعا قۇلشىنامىن؛ ۇلتتار ىنتىماعىن ۇگىتتەۋشى، پارتكوم مەن ۇكىمەتتىڭ اقىلماندار توبى، قوعامعا قىزمەت كورسەتۋگە پەيىلدى، جاستار مەن جاس وسپىرىمدەردىڭ جول باستاۋشىسى، ۇلتتار ىنتىماعىن جالعاستىرۋشى، تۋىس - تۋعاندارىمەن بەرەكەلى، كورشىلەرىمەن تاتۋ - ءتاتتى اعا بۋىن بولۋعا قۇلشىنىپ، ماڭايىمداعى ادامداردى ۇلتتار ىنتىماعىن قاستەرلەۋگە، قوعامنىڭ جاراسىمدىلىعى مەن ورنىقتىلىعىن جەبەۋگە باۋليمىن جانە باستايمىن.
  قازىر تارلان تارتقانىمىزبەن، قاجىر - قايراتتان قايتپايمىز. مەن ورگان ىستەرىن باسقارۋ مەكەمەسىندەگى بارلىق زەينەتكە شىققان كادرلاردى جانە ءار ۇلت جۇرتشىلىعىن اتتانىسقا كەلتىرىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جەتەكشى، باس نىسانانى تىعىز ارقاۋ ەتىپ، اۆتونوميالى رايوندىق پارتكومنىڭ قوعام ورنىقتىلىعىن قورعاۋداعى ءتۇرلى شەشىمدەرى مەن ورنالاستىرۋلارىن باتىل دايەكتى تياناقتاندىرامىن، جۇرت تىلەگىن ۇيىستىرىپ، كۇش - قۋات توپتاپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، حالقى الاڭسىز تىرشىلىك كەشەتىن جۇڭگوشا سوتسياليستىك شينجياڭ قۇرۋعا تاعى دا تىڭ ۇلەس قوسۋعا قۇلشىنامىن.

ءان الەمى

جول توسىلىپ قالدى

تۇلپارىم