باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

امالياتپەن ۇشتاستىرىپ، جاعدايعا قاراي ىستەپ، كەدەيلىكتەن دالمە - ءدال قۇتىلدىرۋ كەرەك

    كەلۋ قاينارى: شينجياڭ گازەتى    2017-07-17 19:04:48  

جۋ حايلۇن ياركەن اۋدانىندا كەدەيلىكتەن قۇتىلدىرۋدان قامال الۋ قىزمەتى جونىندەگى بىرىككەن ءماجىلىستى باسقارىپ اشتى

 ءتىلشىمىز لي شيڭ 15 - شىلدەدە ياركەننەن حابارلايدى. اۆتونوميالى رايوندىق پارتكومنىڭ ولكە دارەجەلى باسشى كادرلاردىڭ كەدەي اۋداندارمەن بايلانىس جاساۋ، كەدەي اۋداندارعا كومەكتەسۋ ءتۇزىمى جونىندەگى تالابىنا ساي، 15 - شىلدەدە اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن ياركەن اۋدانىندا كەدەيلىكتەن قۇتىلدىرۋدان قامال الۋ قىزمەتى جونىندەگى بىرىككەن ءماجىلىستى باسقارىپ اشىپ، ياركەن اۋدانىنىڭ كەدەيلىكتەن قۇتىلدىرۋدان قامال الۋ قىزمەتىنىڭ ىلگەرىلەۋ جاعدايىن ۇعىسىپ، ءار جاقتىڭ ۇسىنىس - پىكىرىن تىڭداپ، ءتۇيىندى قىزمەتتەر مەن باستى شارالاردى ونان ارى ايقىنداپ، قىزمەت تەبىنىن ارتتىرىپ، ياركەن اۋدانىنىڭ كەدەيلىكتەن قۇتىلدىرۋدان قامال الۋ نىساناسىنىڭ ۋاعىندا ورىندالۋىنا شىنايى كەپىلدىك ەتتى.
  ياركەن اۋدانىندا جالپى 223 ءتۇيىندى كەدەي قىستاق بار، ارحيۆ تۇرعىزىلىپ، كارتچكا تاراتىلعان كەدەي وتباسى 60 مىڭ 800، كەدەيلەر سانى 231 مىڭ 400، تۇتاس اۋدانداعى اۋىل - قىستاقتارداعى جالپى حالىق سانىنىڭ %33ىن يەلەيدى. 2016 - جىلى 77 قىستاق، 18 مىڭ 500 وتباسى، 67 مىڭ 300 ادام كەدەيلىكتەن قۇتىلعان بولاتىن، 2017 - جىلى 76 قىستاقتىڭ، 21 مىڭ وتباسىنىڭ، 78 مىڭ 500 ادامنىڭ كەدەيلىك قالپاعىن الىپ تاستاۋ جوسپارعا الىندى.
  اۆتونوميالى رايوندىق دامۋ جانە رەفورما كوميتەتىنىڭ، مەملەكەت جەر بايلىعى مەڭگەرمەسىنىڭ، قوعام حاۋىپسىزدىگى مەڭگەرمەسىنىڭ، مۇگەدەكتەر بىرلەستىگىنىڭ، شينجياڭ پەداگوگيكا ۋنيۆەرسيتەتىنىڭ، اۆتونوميالى رايوننىڭ تارىم وزەنى اعارىن باسقارۋ مەكەمەسىنىڭ قىستاقتارداعى قىزمەت اترەتتەرىنىڭ جانە ياركەن اۋدانىنىڭ كەدەيلىكتەن قۇتىلدىرۋدان قامال الۋ جونىندەگى مالىمەتىن تىڭداعاننان كەيىن، جۋ حايلۇن مىنانى اتاپ كورسەتتى: جاعدايدان بەرىلگەن مالىمەتتەن الىپ قاراعاندا، ياركەن اۋدانى «ەكىدەن تارىقپاۋ، ءۇشتى قامتاماسىزداندىرۋ» نىساناسىن كوزدەلگەن ۋاقىتتا ورىنداي الادى، بۇعان سەنىمىمىز كامىل. الايدا، ياركەن اۋدانىندا كەدەيلىكتەن قۇتىلدىرۋدان قامال الۋ جاعدايىنىڭ ءالى اۋىر ەكەندىگىن، كەدەيلىكتەن قۇتىلدىرۋدان قامال الۋدا كوپتەگەن ۇلكەن سىن - سىناقتارعا ءدوپ كەلىپ وتىرعاندىعىن كورە ءبىلۋىمىز كەرەك. ءبىز كەدەيلىكتەن قۇتىلدىرۋدان قامال الۋدىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن باتىل دايەكتىلەندىرۋدىڭ، تياناقتاندىرۋدىڭ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ كوكەي تەستى قاجەتى ەكەندىگىن تولىق تانىپ، يدەيالىق تانىم مەن ءىس - ارەكەتتى ورتالىق كوميتەتتىڭ شەشىمدەرىمەن، ورنالاستىرۋلارىمەن، اۆتونوميالى رايوندىق پارتكومنىڭ ورنالاستىرۋلارىمەن، تالاپتارىمەن باتىل بىرلىككە كەلتىرىپ، ياركەن اۋدانىنىڭ امالياتىمەن ۇشتاستىرىپ، جاعدايعا قاراي ىستەپ، كەدەيلەردى دالمە - ءدال سۇيەمەلدەپ، كەدەيلىكتەن دالمە - ءدال قۇتىلدىرۋىمىز كەرەك.
  جۋ حايلۇن مىنانى باسا دارىپتەدى: باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋدا «تورتتەن جازباۋ» مەن كەدەيلىكتەن قۇتىلدىرۋدان قامال الۋ قىزمەتى جونىندەگى تالاپتارىن دايەكتىلەندىرىپ، تياناقتاندىرىپ، ۇكىمەتتىڭ ساياسات سيپاتتى شينجياڭعا كومەكتەسۋ قارجىسى مەن فينانس سالاسىنىڭ قارجىلىق ۇسىنىلىمىن مولايتىپ، قارجىنى ءتۇيىندى سالالار مەن شەشۋشى بۋىندارعا جۇمساپ، كەدەيلىكتەن قۇتىلدىرۋدان قامال الۋعا ىقپال جەتكىزگەن، كەدەرگى بولعان ماسەلەلەردى شەشىپ، كەدەي قاۋىمنىڭ ءوندىرىس، تۇرمىس شارت - جاعدايىن جاقسارتۋ؛ كەدەيلىكتەن قۇتىلدىرۋدان قامال الۋ قىزمەتىندەگى جۇمىسقا ورنالاستىرۋ، تۇرعىن ءۇي سياقتى ماڭىزدى، قيىن تۇيىندەردى شوعىرلى تۇردە شەشىپ، كەدەيلەردى سۇيەمەلدەۋدىڭ بىرىككەن كۇشىن قالىپتاستىرۋ؛ كەدەيلىكتەن قۇتىلدىرۋدان قامال الۋ بارىسىن بۇقارالىق قىزمەتتى جاقسى ىستەۋ، جۇرت تىلەگىن توعىستىرۋ بارىسىنا اينالدىرىپ، بۇقارانىڭ كوكەيىنە پارتيانىڭ مەيىرىنە العىس ايتۋ تانىمىن مىقتاپ ورناتۋ كەرەك.
  ءماجىلىستىڭ الدىندا، جۋ حايلۇن ياركەن اۋدانى حۋاڭدي قالاشىعى بوۋاقۇم قىستاعىنا ارنايى بارىپ، ياركەن اۋدانىنىڭ كەدەيلىكتەن قۇتىلدىرۋدان قامال الۋ جاعدايىن ۇعىستى. كەدەي وتباسى تۇرسىن ءتالىپتىڭ 3 بالاسى دا مەكتەپتە وقيدى. ءبىر ۇيدەگى 5 جان تۇرسىن ءتالىپتىڭ كۇندەلىكتى تاپقان - تايانعانىمەن كۇن كەشىرەدى. جۋ حايلۇن ونى بەرىك سەنىم ورناتىپ، كەدەيلىكتەن ەرتەرەك قۇتىلۋعا جىگەرلەندىردى. ول بىلاي دەدى: اۆتونوميالى رايوندىق پارتكوم مەن حالىق ۇكىمەتى كەدەيلەر قاۋىمىنىڭ تۇرمىسىنا توتەنشە ءمان بەرىپ وتىر، كەدەي وتباسىلارى «قول قۋسىرىپ قاراپ وتىرۋ، يەك سۇيەۋ، تىلەنۋ» يدەياسىن جەڭىپ، سۋبيەكتيۆ يكەمدىلىكتى تولىق ساۋلەلەندىرىپ، پارتيا مەن ۇكىمەتتىڭ كومەگىندە، ءوز كۇشتەرىنە سۇيەنىپ، قاجىرلىلىقپەن ەڭبەكتەنۋ ارقىلى كەدەيلىكتەن قۇتىلىپ، اۋقاتتانىپ، باقىتتى تۇرمىس كەشىرۋگە قۇلشىنۋى كەرەك.

ءان الەمى

جول توسىلىپ قالدى

تۇلپارىم