باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ تەمىر جول قۇرىلىسىنىڭ قارقىنى ۇزدىكسىز تەزدەپ، تەمىر جول تورابىنىڭ جاقسارۋى ادامداردىڭ ساپارعا شىعۋىنا بارىنشا قولايلىلىق اكەلدى

    كەلۋ قاينارى: شينجياڭ حالىق راديو ىستانسياسى    2017-07-17 17:38:56  
ستانسيامىزدىڭ ءتىلشىسى جين لەي مەن بايىنعولىن راديو ستانسياسىنىڭ ءتىلشىسى جۋ چۇنميدىڭ حابارىن تىڭداڭىزدار: جاز ايلارىنىڭ شىلىڭگىر ىستىعىندا، رايونىمىزدىڭ تەمىر جول قۇرىلىسشىلارى جوعارى تەمپراتۋراعا، قاپىرىق ىستىققا قاراماي، قۇرىلىس جۇرگىزۋدىڭ ءتيىمدى مەرزىمىن مىقتى يگەرىپ، قۇرىلىس نىسانى قارقىنىن جەدەلدەتتى، رايونىمىزدىڭ تەمىر جول قۇرىلىسىنىڭ قارقىنى ۇزدىكسىز تەزدەپ، تەمىر جول تورابىنىڭ جاقسارۋى ادامداردىڭ ساپارعا شىعۋىنا بارىنشا قولايلىلىق اكەلدى.
تاياۋدان بەرى، تەمپراتۋرا ۇزدىكسىز جوعارىلادى، جوعارى تەمپراتۋرالى اۋا رايىنىڭ اسەرىنە بولا حولمۇت-كورلا تەمىر جول قۇرىلىسىن جۇرگىزۋشىلەر قۇرىلىستى توقتاتپادى، رەلىس توسەۋ قىزمەتى ءتارتىپتى ىستەلدى.حولمۇت-كورلا تەمىر جولىنىڭ جالپى ۇزىندىعى ءبىر مىڭ 210 كيلومەتردەن اسادى، مۇنىڭ شينجياڭداعى بولەگى 708 كيلومەتر. جول جاسالعاننان كەيىن رايونىمىزداعى شينجياڭعا كىرەتىن 3-ءىرى تەمىر جول بولادى. ال كورلادان چيڭحايدىڭ حولمۇتىنا اۆتوموبيلمەن بارۋ قازىرگى 26 ساعاتتان 12 ساعات مولشەرىنە قىسقارادى.حولمۇت-كورلا تەمىر جولىنىڭ شينجياڭ قۇرىلىسىنا قولباسشىلىق ەتۋ ورنىنىڭ ورىنباسار قولباسشىسى لاي گۋاڭميڭ بىلاي دەدى:«تەمىر جول جاساۋ ينجەنەرياسىن ارقاۋ ەتە وتىرىپ، ءار كۇنى قۇرىلىس جۇرگىزۋگە 800 دەن ارتىق ادامدى ورنالاستىردىق، بيىل جىل سوڭىندا 291 كيومەتر ارالىققا رەلس توسەيمىز، جولدى رەتتەپ جوندەگەننەن كەيىن، الدىڭعى 200 كيلومەتر تەمىر جولعا پويەز قاتىناۋ شارتىن ازىرلەۋگە كەپىلدىك ەتەمىز».
بيىل شينجياڭنىڭ تەمىر جول قۇرىلىسىنىڭ قارقىنى جاپپاي جەدەلدەپ، نىسانعا قوسىلعان قارجى 34 ميلليارد 700 ميلليون يۋانعا جەتتى، مۇنىڭ ىشىندە، ءۇرىمجى تەمىر جول مەكەمەسى مەملەكەتتىڭ تەمىر جول قۇرىلىسىنا 10 ميلليارد 200 ميلليون يۋان قارجى قوسۋ مىندەتىن ورىنداپ، 8 ءتۇيىندى تەمىر جول نىسانىن جالعاستى جانە جاڭادان سالدى.بۇعان حولمۇت-كورلا تەمىر جولى، التاي-كوكتوعاي-شىعىس جوڭعار تەمىر جولى، وڭتۇستىك شينجياڭ تەمىر جولىن لانجۋ-شينجياڭ تەمىر جولىنا تۇتاستىرۋ لەنياسى، بۇراتالا وبىلىسىنىڭ تارماق لەنياسى، قارامايلى-تارباعاتاي تەمىر جولىنىڭ تەمىرتام-شاۋەشەك بولەگى، ءۇرىمجى ۆاگزالى جانە قاتىستى ينجەنەريا، ءۇرىمجى تەمىر جول تورابىنىڭ ءۇرىمجىنىڭ باتىسى مەن سولتۇستىگىن تۇتاستىرۋ لەنياسى جانە ءۇرىمجى تەمىر جول جۇك قورابى سەنترلى ۆاگزالى قامتىلادى.
قازىر، وڭتۇستىك شينجياڭ تەمىر جولىن لانجۋ-شينجياڭ تەمىر جولىمەن تۇتاستىرۋ قۇرىلىسى قاربالاس جۇرگىزىلۋدە، نەگىزگى قۇرىلىس ءبىتتى، 15-قىركۇيەكتەن بۇرىن رەلستى جاتقىزىپ بولۋ جوسپارلانىپ، 1-قازان قۇرىلىستىڭ بىتەتىندىگى مەجەلەندى. بۇل قۇرىلىستىڭ جالپى ۇزىندىعى 16 كيلومەتر، جالپى 540 ميلليون يۋان قارجى قوسىلادى، قۇرىلىس سالىنىپ بولعاننان كەيىن، وڭتۇستىك شينجياڭنىڭ تەمىر جولىن جۇردەك تەمىر جول تورابىنا قوسادى، ال وڭتۇستىك شينجياڭ تەمىر جولىمەن جۇرگەن جولاۋشىلار جوعارى قارقىندى پويەزگە دەرەۋ اۋىسا الادى.ءۇرىمجى تەمىر جول مەكەمەسى ءۇرىمجى پويەز ىستەرى ۋچاستيكاسى تۇرپان سولتۇستىك ۆاگزالىنىڭ جولاۋشى تاسىمالىنا جاۋاپتى كەزەكشىسى باي يحان بىلاي دەدى:« وڭتۇستىك شينجياڭعا تۇتاستىرۋ لەنياسىنان لانجۋ-شينجياڭ جولاۋشى تاسىمال ارناۋلى لەنياسى ارقىلى جوعارى قارقىندى تەمىر جولمەن ىشكى ولكەگە بارۋعا بولادى، سوندا اناعۇرلىم قولايلى، تەز ءارى ءجايلى بولادى».
جالپى ءبىر ميلليارد 140 ميلليون يۋان قارجى قوسىلعان بۇراتالا وبىلىسىنىڭ تارماق لەنياسىنىڭ قۇرىلىسى ماڭىزدى كەزەڭگە ءوتىپ، جول تاعانى قۇرىلىسى جاپپاي باستالدى، قىركۇيەكتىڭ سوڭىندا جول تاعانى قۇرىلىسى بىتكەننەن كەيىن رەلس توسەۋ كەزەڭىنە وتەدى. 2 مىڭ 585 مەترلىك الاتاۋ تۋنەلى، ولكەلىك تاس جولدىڭ 205-لەنياسىن كەسىپ وتەتىن كوپىر سياقتى ءتۇيىندى ينجەنەريالاردىڭ قۇرىلىسى دا تۇگەلدەي باستالدى.جۇڭگو تەمىر جول 7-مەكەمەسى بۇراتالا وبىلىسى تارماق لەنياسى تەمىر جول نىسانى ءبولىمىنىڭ ورىنباسار باس ينجەنەرى جاڭ جينحۋا بىلاي دەدى: «ءار كۇنگى جۇمىس قارقىنى 3 مەتر مولشەرىندە، كەلەر جىلى تامىزدىڭ اياعىندا تۋنەلگە تۇگەلدەي پويەز قاتىنايدى، قازاننان باستاپ كوپىردىڭ ارقالىقتارى تۇرعىزىلىپ، كەلەر جىلى تامىزدا كوپىر قۇرىلىسى تۇگەلدەي بىتەدى».
بۇدان سىرت، حوتان-چارقىلىق تەمىر جولىنىڭ، جياڭجۇنمياۋ-قۇمىل-ليۋگۋ تەمىر جولىنىڭ، وڭتۇستىك شينجياڭداعى كورلا-اقسۋ-قاشقار تەمىر جولىنىڭ قارقىنىن جەدەلدەتۋ، توقسۋ-باي تەمىر جولىن، ءۇرىمجى-جياڭجۇنمياۋ تەمىر جولىنداعى ءۇرىمجىنىڭ سولتۇستىگى مەن شىعىس جوڭعار تەمىر جولى قوس لەنياسىن ەلەكترلەندىرۋ، اقسۋ-ارال تەمىر جولى سياقتى 6 نىساننىڭ الدىڭعى مەرزىمدىك قىزمەتى ءتارتىپتى جۇرگىزىلۋدە.
شينجياڭنىڭ تەمىر جول تورابىنىڭ ۇزدىكسىز كەمەلدەنۋىنە ساي، وڭتۇستىك شينجياڭ مەن سولتۇستىك شينجياڭداعى ءار ۇلت بۇقاراسىنىڭ ساپارعا شىعۋى ءتىپتى قولايلى بولدى.10-ماۋسىم، بەيتۇن-التاي تەمىر جولىنا پويەز قاتىناپ، التاي قالاسى وسىدان باستاپ پويەز قاتىناماعان تاريحپەن قوشتاسىپ، مەملەكەتتىك تەمىر جول تورابىنا رەسمي قوسىلدى.ءار كۇنى اقسۋ، ءۇرىمجى، قاشقاردان التايعا بارىپ قايتاتىن 4 ءجۇپ جولاۋشى پويەزى قاتىنايدى.التاي قالاسىنىڭ تۇرعىنى حۋ حانىم:« پويەزدىڭ قاتىناۋىن كوپ كۇتكەن ەدىك، پويەز اۋىستىرىپ جۇرمەيمىز، جولاۋشىلارعا قولايلى بولدى»،-دەدى.
ءان الەمى

جول توسىلىپ قالدى

تۇلپارىم