باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ولار ارت-ارتىنان مەملەكەتتىك سپورت جينالىسىنا جول الدى

    كەلۋ قاينارى: شينجياڭ حالىق راديو ىستانسياسى    2017-07-14 13:18:48  
ءتاڭىرتاۋ تورابىنىڭ حابارى: شينجياڭ بوكس كومانداسى مەملەكەتتىك 13-كەزەكتى سپورت جارىسىنا قاتىناسۋ ءۇشىن، چيڭحايداعى جاتتىعۋىن 12-شىلدە اياقتاتىپ، شينجياڭ بوكس سپورت باسقارۋ ورتالىعىنا قايتىپ كەلىپ، ەڭ سوڭعى دايىندىق جۇمىستارىنا كىرىسىپ كەتتى. 27-شىلدە ولار تيانجين قالاسىنا بارىپ، مەملەكەتتىك شەشۋشى جارىسقا قاتىناسادى.
شينجياڭ بوكس كومانداسىندا مامەتتۇرسىن چوڭ جانە قۇربانجان چوڭ اتتى بىر جۇپ اعالى-ىنىلى بوكسشى بار. قۇربانجان چوڭ اعاسىن ۇلگى تۇتادى. بيىل ءساۋىر ايى مەن مامىر ايىندا، وسى اعايىندىلار ارت-ارتىنان مەملەكەتتىك سپورت جينالىسىنا جول الىپ، شينجياڭ كومانداسىنا ۋاكىل بولىپ جارىسقا قاتىناسۋ تولىمدىلىعىنا يە بولدى.
مامەتتۇرسىن چوڭ جۇڭگوعا ۋاكىل بولىپ بەيجيڭ جانە لوندوندا وتكەن ەكى رەتكى وليمپيادا جارىسىنا قاتىناسقان. 2013-جىلى شىنياڭ مەملەكەتتىك سپورت جارىسىندا جەكەلەر بويىنشا ەكىنشى رەتكى التىن مەدالعا يە بولىپ، شينجياڭ بوكس كومانداسىنىڭ مەملەكەتتىك سپورت جارىسىندا ارت-ارتىنان 5 رەت التىن مەدال الۋ ارمانىن جۇزەگە اسىردى. 2016-جىلعى وليمپيادا جارىسىنا قاتىناسا الماعاندىقتان، مامەتتۇرسىن چوڭ كاسىپتە قيىن كەزدەردى باسىنان وتكىزەدى. جاتتىقتىرۋشىنىڭ شابىتتاندىرۋىندا، مامەتتۇرسىن چوڭ قايتادان قايراتىنا كەلىپ، ءوز قابىلەتىن دالەلدەپ ءارى مەملەكەتتىك سپورت شەشۋشى جارىسىنا قاتىناسۋ تولىمدىلىعىنا يە بولادى.
مامەتتۇرسىن چوڭ شينجياڭ كومانداسىندا تاماشا ناتيجەگە جەتكەن سول تۇستا، ءىنىسى قۇربانجان چوڭ بوكس ونەرىن ۇيرەنۋ ويىنىڭ بار ەكەنىن ايتادى. 2008-جىلى قۇربانجان چوڭ قاشقارداعى دەنە تاربيە مەكتەبىنە ءتۇسىپ، 2010-جىلى شينجياڭنىڭ بوكس كومانداسىنا تاڭدالىپ، اعاسىنىڭ ساپتاسى بولادى.
قۇربانجان چوڭنىڭ ارمانى ەڭ جاقسى ناتيجەمەن مەملەكەت كومانداسىنا كىرۋ-ەدى. بيىل قاجىرلى قۇلشىنسى ارقىلى، ول مەملەكەتتىك سپورت جارىسىنا جولداما الدى. شينجياڭ بوكس سپورت باسقارۋ ورتالىعىنىڭ ورىنباسار مەڭگەرۋشىسى، باس جاتتىقتىرۋشى ابدۇشكىر ميجىت تىلشىگە بىلاي دەيدى: مامەتتۇرسىن چوڭ تاجىربيەلى سپورتشى، سونىمەن بىرگە كوماندامىزدىڭ سەركەسى، ونىڭ باستاۋىندا، شينجياڭ بوكس كومانداسىنداعى 13 ادام مەملەكەتتىك سپورت جارىسىنا قاتىناسۋ تولىمدىلىعا يە بولدى. وسى رەتكى جارىس بۇرىنعى جارىستان وزگەشە، ويتكەنى، سپورتشىلاردىڭ بارلىعى ءبىر-ءبىر جارىس رايونىندا جارىسىپ، قارسىلاستارىن ويسىراتا جەڭىپ شىققان. مامەتتۇرسىن چوڭ مەن قۇربانجان چوڭ اعايىندى ەكەۋى بۇل رەتكى جارىستىڭ شەشۋشى جارىسىنا كىردى.
ءان الەمى

جول توسىلىپ قالدى

تۇلپارىم