باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«2017. جۇڭگونى سەزىنۋ − جۇڭگو باتىس بولەك مادەنيەتىنىڭ ەگيپەتكە ساپارى. شينجياڭ تاراۋى» ەگيپەتتە وتكىزىلدى

    كەلۋ قاينارى: شينجياڭ گازەتى    2017-07-10 20:14:06  

 شينحۋا اگەنتتىگىنىڭ 6 - شىلدەدە قاھيرادان بەرگەن حابارى. جەرگىلىكتى ۋاقىت 6 - شىلدە كۇنى كەشتە «2017. جۇڭگونى سەزىنۋ − جۇڭگو باتىس بولەك مادەنيەتىنىڭ ەگيپەتكە ساپارى. شينجياڭ تاراۋى» ەگيپەتتىڭ استاناسى قاھيراداعى حانايكيل ونەر ورتالىعىندا اشىلدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ حات جولداپ، قىزۋ قۇتتىقتادى.
  يۇي جىڭشىڭ حاتىندا بىلاي دەدى: جۇڭگو مەن ەگيپەت − دۇنيە جۇزىندەگى بايىرعى وركەنيەتتى ەلدەر، ەڭبەكشىل، پاراساتتى ەكى ەل حالقى نۇر - شۇعىلالى مادەنيەت تۋدىرىپ، ادامزاتتىڭ دامۋى مەن العا باسۋىنا ماڭىزدى ۇلەس قوستى. جۇڭگو مەن ەگيپەتتىڭ دوستىق بايلانىسىنىڭ تامىرى تەرەڭدە جاتىر، وسىدان 2000 نەشە جىل ىلگەرى، جىبەك جولى ەكى ەلدىڭ اراسىن جالعاعان. ەگيپەت − جاڭا جۇڭگومەن ديپلوماتيالىق بايلانىس ورناتقان تۇڭعىش افريكا مەملەكەتى جانە جاڭا جۇڭگومەن ديپلوماتيالىق بايلانىس ورناتقان تۇڭعىش اراب مەملەكەتى. جۇڭگو مەن ەگيپەت ديپلوماتيالىق بايلانىس ورناتقان 60 نەشە جىلدان بەرى، ەكى جاقتى قاتىناستار حالىقارالىق جانە وڭىرلىك الماعايىپ وزگەرىستەردىڭ سىناعىنان ءوتىپ، قاشاندا اقاۋسىز، تۇراقتى دامىپ وتىردى.
  يۇي جىڭشىڭ مىنانى اتاپ كورسەتتى: 2013 - جىلى جۇڭگونىڭ مەملەكەت ءتوراعاسى شي جينپيڭ «ءبىر بەلدەۋ، ءبىر جول» قۋاتتاماسىن العا قويىپ، حالىقارالىق قوعامنىڭ ايرىقشا نازارىنا ءىلىندى جانە جىبەك جولى بويىنداعى ەگيپەت سياقتى ەلدەردەن بەلسەندى قولداۋ تاپتى. 2016 - جىلدىڭ باسىندا ءتوراعا شي جينپيڭ ەگيپەتكە تاريحي ءمانى بار ساپار جاسادى، ەكى جاق ءبىرقاتار ماڭىزدى سەلبەستىك كەلىسىمدەرىن جاساستى. بيىل مامىردا جۇڭگو ۇكىمەتى بەيجيڭدە «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىن ءساتتى وتكىزدى. «ءبىر بەلدەۋ، ءبىر جولدى» بىرگە قۇرۋ دۇنيە ءجۇزىنىڭ ءتىپتى جاقسى بولاشاققا قادام تاستاۋىنا جاڭا ۇلگى ازىرلەۋمەن بىرگە، جۇڭگو - ەگيپەت قاتىناسىنىڭ دا دامۋىنا جاڭا وراي تۋدىردى.
  يۇي جىڭشىڭ مىنالاردى باسا دارىپتەدى: شينجياڭ تاريحتا ەجەلگى جىبەك جولىنىڭ ماڭىزدى ارناسى جانە شىعىس پەن باتىس وركەنيەتتەرىنىڭ تۇيىلىسكەن جەرى بولعان، بۇگىنگى تاڭدا جۇڭگونىڭ باتىسقا اشىلعان ماڭىزدى تەرەزەسى بولىپ وتىر. جىبەك جولى ەكونوميكالىق بەلدەۋىنىڭ وزەكتى ءوڭىرى رەتىندە، شينجياڭ ازيا - ەۆروپا ۇلى قۇرلىعىن تۇتاستىراتىن ماڭىزدى قاتىناس تورابى، ساۋدا - زات اينالىمى جانە مادەنيەت، عىلىم، ءبىلىم ورتالىعى بولىپ قۇرىلادى. وسى رەتكى ءىس - شارانىڭ وتكىزىلۋى ەگيپەت قوعامىنىڭ ءار سالاسىنداعىلارعا جۇڭگو شينجياڭىنىڭ وزگەشە تابيعات كوركى مەن گۋمانيتارلىق لاندشافتتارىن، جەدەل دامىعان ەكونوميكاسى مەن قوعامىن جانە باي، ءار الۋان مادەنيەت فورماتسيالارىن جاندى تۇردە بەينەلەپ، ەگيپەت حالقىنىڭ شينجياڭعا جاقىنداۋىنا، شينجياڭدى سەزىنۋىنە، شينجياڭدى بىلۋىنە مۇمكىندىك تۋدىرىپ، جۇڭگو مەن ەگيپەت حالىقتارىنىڭ ءوزارا تۇسىنىستىگى مەن دوستىعىن نىعايتىپ، ەكى ەلدىڭ بايلانىسى مەن سەلبەستىگىنىڭ ءتىپتى كەسەك ناتيجەلەرگە جەتۋىن ىلگەرىلەتەدى.
  يۇي جىڭشىڭ قيمىلدىڭ تابىستى، ءساتتى وتكىزىلۋىنە تىلەكتەستىك ءبىلدىردى ءارى جۇڭگو - ەگيپەت حالىقتارىنىڭ دوستىعىنىڭ باياندى بولۋىن تىلەدى!

  ورتالىق كوميتەت ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ ورىنباسار مەڭگەرۋشىسى سۇي يۇييىڭ ءتوراعا يۇي جىڭشىڭنىڭ حاتىن وقىدى ءارى قۇتتىقتاۋ ءسوزىن سويلەدى. ەگيپەت پارلامەنتى باستىعىنىڭ ءبىرىنشى ورىنباسارى شەريف، ەگيپەتتىڭ بۇرىنعى زۇڭليى شالاف، جۇڭگو شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، جۇڭگونىڭ ەگيپەتتەگى ەلشىسى سۇڭ ايگو اشىلۋ مۇراسىمىندا ءسوز سويلەدى.
  اشىلۋ مۇراسىمىنان كەيىن، حانايكيل ونەر ورتالىعىنىڭ كورمە زالىندا «مىڭ بوياۋلى شينجياڭ» اتتى فوتوسۋرەت كورمەسى، «ناقىشتار كەلىسىمى» اتتى ۇلتتىق كيىمدەر كورمەسى، «تيانشان اۋەنى» اتتى ۇلت اسپاپتارى كورمەسى وتكىزىلدى. شينجياڭ ۇيعۇر اۆتونوميالى رايوندىق ونەر تەاترىنىڭ ونەرپازدارى قاھيرا تەاترىندا مىڭنان اسا ەگيپەتتىك كورەرمەنگە شينجياڭنىڭ ۇلتتىق بوياۋى قانىق ءان - بيلەرىنەن كونسەرت بەرىپ، قىزۋ قارسى الىندى. وسى رەتكى كەشەندى ءىس - شارا كەزىندە، ەگيپەت كورەرمەندەرىنە ارناپ كينو كورسەتىلىمى وتكىزىلەدى، ەلىمىزدىڭ قاتىستى ماماندارى شينجياڭنىڭ قوعامدىق ۇدەرىسى، ەكونوميكالىق دامۋى، ءداستۇرلى مادەنيەتى، ءدىني سەنىمى سياقتى تاقىرىپتار ۇستىندە ەگيپەتتەگى ءار سالا قايراتكەرلەرىمەن ىشكەرىلەي پىكىر اۋىسادى.
  «2017. جۇڭگونى سەزىنۋ − جۇڭگو باتىس بولەك مادەنيەتىنىڭ ەگيپەتكە ساپارى. شينجياڭ تاراۋىن» جۇڭگو مەملەكەتتىك كەڭەس اقپارات كەڭسەسى، جۇڭگو شينجياڭ ۇيعۇر اۆتونوميالى رايوندىق حالىق ۇكىمەتى، جۇڭگونىڭ ەگيپەتتەگى ەلشىلىگى بىرلەسىپ وتكىزگەن.

ءان الەمى

جول توسىلىپ قالدى

تۇلپارىم