باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ بريكس ەلدەرى باسشىلارىنىڭ بەيرەسمي كەڭەسىن باسقاردى

    كەلۋ قاينارى: شينجياڭ گازەتى    2017-07-10 19:35:21  

ۇلى بريتانيانىڭ باس ءۋازىرى تەرەزا مەيمەن كەزدەستى

 شينحۋا اگەنتتىگىنىڭ 7 - شىلدەدە گەرمانيانىڭ گامبۋرگىنەن بەرگەن حابارى. مەملەكەت ءتوراعاسى شي جينپيڭ 7 - شىلدە كۇنى گامبۋرگتە بريكس ەلدەرى باسشىلارىنىڭ بەيرەسمي كەڭەسىن باسقارىپ، جەتەكشىلىك سيپاتتى ءسوز جانە قورىتىندى ءسوز سويلەدى. وڭتۇستىك افريكانىڭ زۇڭتۇڭى زۋما، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي كەڭەسكە قاتىناستى. 5 ەلدىڭ باسشىلارى دۇنيە ءجۇزىنىڭ ساياسي، ەكونوميكا جاعدايى جانە 20 ەل توبىنىڭ ءتۇيىندى كەڭەستىك تاقىرىبى اياسىندا ىشكەرىلەي پىكىر اۋىستىردى، بريكس ەلدەرىنىڭ ىنتىماعىن، سەلبەستىگىن كۇشەيتۋ، اشىق دۇنيە ءجۇزى ەكونوميكاسىن بىرگە قۇرۋ، الەم ەكونوميكاسىن جونگە سالۋ ىستەرىن كەمەلدەندىرۋ، باياندى دامۋدى جەبەۋ جونىندە ماڭىزدى ورتاق تانىم قالىپتاستىردى.

  شي جينپيڭ مىنالاردى اتاپ كورسەتتى: كەزەكتە دۇنيە ءجۇزى ەكونوميكاسىندا ءىشىنارا بەلسەندى جاعداي كورىلىپ وتىر، بريكس ەلدەرىنىڭ دامۋ بولاشاعى جاپپاي جاقسارۋعا قاراي بەت تۇزەدى، بۇل جاعداي ادامدى جەلپىندىرەدى؛ سونىمەن بىرگە، بريكس ەلدەرى بارىنشا كوڭىل ءبولىپ وتىرعان ءىشىنارا ماسەلەلەر دە، لايىقتى توتەپ بەرەتىن سىن - سايىستار دا جارىققا شىقتى.
  20 ەل توبى باسشىلارىنىڭ بۇل رەتكى باس قوسۋى دۇنيە ءجۇزىنىڭ ساياسي، ەكونوميكا جاعدايىن ىشكەرىلەي رەتكە سالاتىن ماڭىزدى كەزەڭگە تۋرا كەلىپ وتىر. بريكس ەلدەرى 20 ەل توبىنداعى ماڭىزدى مۇشەلەر، سوندىقتان ءتوراعا ەل گەرمانيانىڭ گامبۋرگ باس قوسۋىن ويداعىداي وتكىزىپ، 20 ەل توبىنىڭ سەرىكتەستىك قاتىناستى كۇشەيتۋىنە، اشىق دۇنيە ءجۇزى ەكونوميكاسىن قۇرۋعا، الەمنىڭ ەكونوميكالىق ارتۋىن ورنىقتىرۋعا جانە جەبەۋگە بەلسەندى سيگنال تاراتۋىن قولداۋى كەرەك.
  شي جينپيڭ مىنالاردى باسا دارىپتەدى: بريكس ەلدەرى اشىق، قامتىمدى، سەلبەسىپ، تەڭ يگىلىككە كەنەلەتىن سەرىكتەستىك رۋحىن ساۋلەلەندىرىپ، ىنتىماقتى، سەلبەستىكتى كۇشەيتىپ، ورتاق مۇددەنى قورعاپ، ىقپالداسا دامۋعا ۇمتىلىس جاساۋى كەرەك.

  ءبىرىنشى، ءبىز اشىق الەم ەكونوميكاسىن مىزعىماي قۇرىپ، كوپ جاقتى ساۋدا ءتۇزىلىسىن قورعاپ، ەكونوميكالىق جاھاندانۋدىڭ اشىق، قامتىمدى، جاپپاي تيىمدىلىك جاسايتىن، تەڭ، ورتاق يگىلىككە كەنەلەتىن باعىتقا قاراي دامۋىن ىلگەرىلەتىپ، جالپى حالىقتى ەكونوميكالىق ارتۋ مەن ەكونوميكانىڭ جاھاندانۋ تابىسىنان يگىلىكتەندىرۋىمىز كەرەك.
  ەكىنشى، ءبىز كوپ جاقتىلىقتى مىزعىماي اتقارىپ، تاراپتاردىڭ وڭىرلىك قاقتىعىس پەن داۋ - دامايدى ساياسي جانە بەيبىت تاسىلمەن شەشۋىن بىرگە ىلگەرىلەتىپ، ءارقايسى ەلدىڭ بەيبىت قاتار تۇرۋىن، سەلبەسىپ، تەڭ يگىلىككە كەنەلۋىن قۇلشىنا جۇزەگە اسىرىپ، حالىقارالىق قوعامنىڭ ب م ۇ سياقتى كوپ جاقتى مەحانيزمنەن تولىق پايدالانىپ، حالىقارالىق ەرەجەنى ورتاق اقىلداسىپ، سەرىكتەستىك قاتىناستى بىرگە ورناتىپ، الەمدىك سىن - سايىستارعا بىرگە توتەپ بەرۋدى دارىپتەۋىمىز كەرەك.
  ءۇشىنشى، ءبىز الەمدىك ەكونوميكانى مىزعىماي جونگە سالىپ، 20 ەل توبىنىڭ حالىقارالىق ەكونوميكا سەلبەستىگىندەگى نەگىزگى تالقى مىنبەرى بولۋداي ورنىن بىرگە بەكەمدەپ، باستى ەكونوميكالىق تۇلعالاردىڭ ماكرولىق ەكونوميكا ساياساتىن سايكەستىرۋدى كۇشەيتۋىن ىلگەرىلەتىپ، 20 ەل توبى باسشىلارىنىڭ حاڭجوۋ باس قوسۋىنداعى جانە وتكەن كەزەكتى باس قوسۋلارداعى ورتاق تانىمدى ويداعىداي تياناقتاندىرىپ، بازارى جاڭادان گۇلدەنگەن ەلدەرگە جانە دامۋ ۇستىندەگى ەلدەرگە تاماشا دامۋ ورتاسىن جاراتۋىمىز كەرەك.
  ءتورتىنشى، ءبىز بىرگە دامۋدى مىزعىماي ىلگەرىلەتىپ، 20 ەل توبىنىڭ حاڭجوۋ باس قوسۋىنداعى 2030 - جىلعا دەيىنگى باياندى دامۋ كەڭەستىك ءتارتىبىنىڭ ارەكەت جوباسىنىڭ تياناقتانۋىن جەبەپ، سونداي - اق افريكانىڭ جانە دامۋى ەڭ كەنجە ەلدەردىڭ ونەركاسىپتەندىرۋ دارىپتەمەسىن قولداپ، حالىقارالىق قوعامنىڭ دامۋ ۇستىندەگى ەلدەرگە، اسىرەسە، افريكا ەلدەرىنە قولداۋ كورسەتۋىنە دەم بەرىپ، ولاردىڭ دامۋ قۋاتىن جوعارىلاتۋىنا كومەكتەسىپ، قارىشتاپ دامۋدى جۇزەگە اسىرۋىنا قۇلشىنۋىمىز كەرەك.
  شي جينپيڭ مىنالاردى اتاپ كورسەتتى: 2 ايدان كەيىن، بريكس ەلدەرى باسشىلارىنىڭ كەڭەسى جۇڭگونىڭ شيامىن قالاسىندا وتكىزىلەدى. كەزەكتە كەڭەستىڭ ءتۇرلى دايىندىق قىزمەتتەرى ءساتتى ىستەلۋدە. مەن سول كەزدە كوپشىلىكپەن بىرگە «بريكس ەلدەرىنىڭ سەرىكتەستىك قاتىناسىن تەرەڭدەتىپ، اناعۇرلىم جارقىن بولاشاققا جول اشايىق» تاقىرىبى توڭىرگىندە شيامىن كەڭەسىنىڭ قوماقتى ناتيجەلەرگە قول جەتكىزۋىن بىرگە ىلگەرىلەتىپ، بريكس سەلبەستىگىن تەرەڭدەتۋگە جاڭا قوزعاۋشى كۇش ۇستەۋدى، الەمدىك جونگە سالۋ ىستەرىن كەمەلدەندىرۋگە جاڭا جوبا ازىرلەۋدى، دۇنيە ءجۇزى ەكونوميكاسىنىڭ ارتۋىن جەبەۋگە تىڭ ۇلەس قوسۋدى ءۇمىت ەتەمىن.
 كەڭەسكە قاتىناسقان ءار ەل باسشىلارى بىلاي دەپ قارادى: كەزەكتەگى جاعدايدا، بريكس ەلدەرى وراي مەن سىن - سايىسقا ءدوپ كەلىپ وتىر. بريكس ەلدەرى بريكس سەلبەستىگىندە ساياسي، ەكونوميكا، گۋمانيتارلىق سايكەستىك قاتار ىلگەرىلەگەن تاماشا جاعدايدى ساقتاپ، ءارقايسى سالاداعى ناقتى ىستەر سەلبەستىگىنىڭ ۇزدىكسىز تەرەڭدەۋىن جەبەپ، بريكس ەلدەرىنىڭ ۇيىسۋ قۋاتى مەن ىقپال قۋاتىن ۇزدىكسىز ءوسىرۋ كەرەك. 20 ەل توبىنىڭ بەلسەندى ينفورماتسيا تاراتۋىنا ءجون سىلتەپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، جاڭادان گۇلدەنگەن بازارلارعا جانە دامۋ ۇستىندەگى ەلدەرگە ورنىقتى، اشىق، قامتىمدى، جاپپاي تيىمدىلىك جاسالعان دامۋ ورتاسىن جاراتۋعا قۇلشىنۋ كەرەك.
  كەڭەسكە قاتىناسقان ءار ەل باسشىلارى جۇڭگونىڭ بريكس ەلدەرى باسشىلارىنىڭ شيامىن كەڭەسىن ويداعىداي وتكىزۋىن ءبىر اۋىزدان قولدادى، جۇڭگونىڭ كەڭەستى وتكىزۋ ءۇشىن جاساعان قۇلشىنىستارىن القادى، جۇڭگومەن بىرگە كەڭەستىڭ بەلسەندى ناتيجەلەرگە قول جەتكىزۋىن ىلگەرىلەتەتىندىكتەرىن ءبىلدىرىستى.

  ۋاڭ حۋنيڭ، ۋاڭ ياڭ، لي جانشۋ، ياڭ جيەچى قاتارلىلار كەڭەسكە قاتىناستى.

  شينحۋا اگەنتتىگىنىڭ 7 - شىلدەدە گەرمانيانىڭ گامبۋرگىنەن بەرگەن حابارى. مەملەكەت ءتوراعاسى شي جينپيڭ 7 - شىلدە كۇنى گامبۋرگتە ۇلى بريتانيانىڭ باس ءۋازىرى تەرەزا مەيمەن كەزدەستى.
  شي جينپيڭ بىلاي دەپ اتاپ كورسەتتى: مەن باس ءۋازىر حانىممەن بىلتىر قىركۇيەك ايىندا 20 ەل توبى باسشىلارىنىڭ حاڭجوۋداعى باس قوسۋىندا كەزدەسكەن كەزدە، جۇڭگو - ۇلى بريتانيا قاتىناسىنىڭ «التىن ءداۋىر» سىندى ۇلكەن باعىتىن قايتالاي تۇراقتاندىرعان ەدىم. تاراپتاردىڭ بىرگە قۇلشىنۋىندا، جۇڭگو - ۇلى بريتانيا ستراتەگيالىق ءوزارا سەنىمدىلىگى تەرەڭدەپ، ءتۇرلى سالالارداعى ناقتى سەلبەستىكتەرى جوعارى ورەگە قاراي قادام تاستادى. بيىل جۇڭگو مەن ۇلى بريتانيانىڭ باس ەلشى دارەجەلى ديپلوماتيالىق قاتىناس ورناتقانىنا 45 جىل تولادى، ەكى جاق قاتىناسى تىڭ تاريحي دامۋ ورايىنا ءدوپ كەلدى. جۇڭگو ۇلى بريتانيامەن بىرگە جۇڭگو مەن ۇلى بريتانيانىڭ 21 - عاسىرداعى الەمدىك جاپپاي ستراتەگيالىق سەلبەستىك سەرىكتەستىك قاتىناسىنا قاراي تاعى ءبىر ساتى كوتەرىلۋىن ىلگەرىلەتىپ، ەكى ەل حالقىنا اناعۇرلىم كوپ باقىت جاراتۋدى قالايدى.
  شي جينپيڭ بىلاي دەپ باسا دارىپتەدى: جۇڭگو - ۇلى بريتانيا قاتىناسىن دامىتۋدا ستراتەگيالىق ءوزارا سەنىمدىلىكتى بەكەمدەۋ − نەگىز. تاراپتار ءوزارا قۇرمەتتەپ، تەڭ مامىلە جاساۋ پرينسيبىندە تاباندى بولىپ، وزەكتى مۇددەلەرى مەن كەلەلى كوڭىل بولەتىن ىستەرىن شىن مانىندە ءوزارا قۇرمەتتەۋى كەرەك. جوعارى جىكتەگىلەردىڭ ءجيى بارىس - كەلىسىن جانە ءتۇرلى سالالارداعى مەحانيزمدىك تىلدەسۋىن ساقتاپ، ەكى ەل قاتىناسىنىڭ ۇزدىكسىز ورنىقتى دامۋىنا جوعارى ورەدەگى جوبا جاساۋ كەرەك. ناقتى سەلبەستىكتى كۇشەيتۋ − تىرەك. تاراپتار ءتۇرلى سالالارداعى ناقتى بارىس - كەلىستى، سەلبەستىكتى كۇشەيتىپ، «ءبىر بەلدەۋ، ءبىر جول» دارىپتەمەسى اياسىندا، جۇڭگونىڭ «13 - بەسجىلدىق» جوباسىن، «جۇڭگودا جاسالعان 2025»تى ۇلى بريتانيانىڭ وسى زامانعى كاسىپ سالاسى ستراتەگياسى، «انگليانىڭ سولتۇستىگىندەگى ەكونوميكالىق ورتالىق» سياقتى دامۋ جوسپارلارىمەن ءتۇيىستىرۋدى كۇشەيتىپ، فينانس، يادرولىق ەلەكتر تەحنيكاسى جاقتارداعى سەلبەستىكتى تەرەڭدەتۋ كەرەك. جۇڭگو - ۇلى بريتانيا جوعارى جىكتەگىلەرىنىڭ گۋمانيتارلىق مەحانيزمى قۇرىلعاندىعىنىڭ 5 جىلدىعىن وراي ەتىپ، حالىقتىق قارىم - قاتىناس جانە جاستاردىڭ بارىس - كەلىسىن جيىلەتۋ كەرەك. حالىقارالىق ىستەردە سەلبەستىكتى كۇشەيتۋ − جارقىن ءتۇيىن. تاراپتار حالىقارالىق جانە وڭىرلىك ىستەردەگى سەلبەستىكتى جانە سايكەسۋدى كۇشەيتىپ، ب م ۇ، 20 ەل توبى، ازيا نەگىزدىك قۇرىلعىلارعا قارجى قوسۋ بانكەسى سياقتى كوپ جاقتى اياداعى بارىس - كەلىستى تەرەڭدەتۋ كەرەك. تاراپتار پارىقتاردى ساقتاپ، ورتاقتىققا ۇمتىلىپ، الاۋىزدىقتاردى تاستاپ، بىرلىككە كەلىپ، ءىس جۇزىندىك ارەكەتتەرىمىز ارقىلى ەكى ەل قاتىناسىنىڭ دامۋى سىندى جالپى جاعدايدى ويداعىداي قورعاپ، جۇڭگو - ۇلى بريتانيا قاتىناسىنىڭ اناعۇرلىم جاقسى، اناعۇرلىم تەز دامۋىن ىلگەرىلەتۋ كەرەك.
  تەرەزا مەي بىلاي دەدى: ۇلى بريتانيا ۇلى بريتانيا مەن جۇڭگونىڭ 21 - عاسىرداعى الەمدىك جاپپاي ستراتەگيالىق سەلبەستىك سەرىكتەستىك قاتىناسىن ىلگەرىلەتۋگە كۇش سالادى، ەكى ەل قاتىناسىنىڭ «التىن ءداۋىر» سىندى ۇلكەن باعىتىنا تاباندى بولادى. ۇلى بريتانيا جۇڭگونىڭ كەلەلى حالىقارالىق ىستەردەگى ماڭىزدى ىقپالىنا ءمان بەرەدى، تاراپتاردىڭ كوپتەگەن سالالاردا ورتاق مۇددەسى بار. ۇلى بريتانيا ەكى ەلدىڭ جوعارى جىكتەگىلەرىنىڭ تىلدەسۋ مەحانيزمىنەن تولىق پايدالانىپ، جۇڭگومەن ساۋدا، قارجى قوسۋ، گۋمانيتارلىق، حاۋىپسىزدىك سياقتى جاقتارداعى قارىم - قاتىناستى، سەلبەستىكتى كۇشەيتۋدى، حالىقارالىق جانە وڭىرلىك وزەكتى ماسەلەلەر جونىندە ءجيى پىكىرلەسۋدى، سايكەسترۋدى قالايدى. ۇلى بريتانيا «ءبىر بەلدەۋ، ءبىر جول» اياسىنداعى فينانس سياقتى سالالارعا بەلسەنە ات سالىسۋدى قالايدى.
  ۋاڭ ياڭ، ياڭ جيەچى قاتارلىلار كەزدەسۋدە بىرگە بولدى.

ءان الەمى

جول توسىلىپ قالدى

تۇلپارىم