باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءار كۇنى تىندىرارىڭىز قانشالىق

    كەلۋ قاينارى: شينجياڭ حالىق راديو ىستانسياسى    2017-05-22 20:15:24  
ادامنىڭ ءبارى يگىلىك قۇراۋ ارقىلى بايلىققا قول جەتكىزسەم دەيدى. الايدا كەي جان تەك قۇر قيالدىڭ جەتەگىندە عانا جۇرەدى دە، بوداۋ بەرۋ، جاپا - ماشاقاتقا شىداۋ دەگەن رۋح جەتىلمەيدى. كوبىنىڭ ارمانىنا دارمەنى سايكەسپەيدى دە ىستەسەم دەگەندەرى تەك وي كۇيىندە عانا قالادى.
ايگىلى ميكرو سوفت سەرىكتەستىگىنىڭ باس جوراسى بەلل گاتەس جاستارمەن كەزدەسكەندە بىلاي دەپتى:«مەن ءاربىر ادامنىڭ وزىنە ءتان سەرىكتەستىگى بولسىن دەگەندى ايتپايمىن. باسقالاردىڭ سەرىكتەستىگىندە ىستەۋ مەن ولاردىڭ جۇمىستى قالاي تىندىرارىن ۇيرەنۋدە سىزگە تاۋداي پايدا اكەلەدى. ادام كوپ ءىس تىندىرۋى كەرەك، كوپ ۇيرەنۋى ءتيىس».
دەمەك گاتەس كۇنىنە جۇمىس تىندىرۋدىڭ ماڭىزىن، اتاققۇمار نە جالقاۋ بولسا قولىڭ جەتەر دۇنيە ماردىمسىز ەكەنىن بىلگەن. ول جاستاردىڭ ويلاعانىن ىسكە اسىرار جولدى تابۋدى، كۇنىنە كەم دەگەندى ءبىر جۇمىستى تىندىرا بىلۋدى ەسكەرتكەن. قىزمەتتە مۇقيات بولۋ كەرەك، قولعا العان جۇمىسى قالاي بولسادا قىزىعۋى، جاقسى كورۋى شارت. قىزمەت بارىسىندا يگىلىك قۇراۋعا قاتىستى تاجىريبەلەردى توپتاۋدى ءبىلۋى كەرەك. بۇل بارىستا تەك قىزىعۋ عانا بولسا جەتكىلىكتى ەمەس، ونەر مەن ءادىستى دە قاعىس قالدىرماۋ ءتيىس. ارينە ءبىر جۇمىستى دەڭگەلەك اينالدىرۋ وڭاي شارۋا ەمەس. بايلىققا ءبىراق كۇندە قول جەتكىزۋگە بولمايدى. ءبىز ۇنەمى بايلىققا قولى جەتكەندەردىڭ اتاق-داڭقى مەن تابىسىن عانا ەستيمىز، كورەمىز. ءبىراق ولاردىڭ سول كۇنگە جەتۋ جولىندا قانشالىق بوداۋ بەرگەنىن ەسكەرمەيمىز. قانشالىق قان - تەرى سارىپ بولعانىنا ءمان بەرمەيمىز. ءار كۇنگى جۇمىستاردى قالاي تىندىرعانىن دا قاعىس قالدىرامىز. اۋەلى قالاي قۇلشىنعانىن، قانداي رۋحپەن باسەكەدەن باسىرە الا العانىن بىلە بەرمەيمىز.
اينالاداعى ادامداردىڭ كوبى وتتاي ىستىق قىزىعۋ مەن اسەردىڭ الدىيىندە يگىلىك قۇراۋ جولىنا جان-دارمەن قادام قويىپ، ۇلكەن ىستەردى تىندىرۋدى ارماندايدى. ءبىراق سابىر-تاعاتتىڭ كەمشىلىگىنەن جانە ءاركۇنى تىندىرعان ءىسىنىڭ ازدىعىنان كوبىندە جەڭىلىسپەن اياقتالىپ جاتادى. يگىلىك قۇراۋ دەگەن جەتىلگەن تەحنيكاعا ەمەس مۇقياتتىلىققا، قوماقتى قارجى ەمەس، جۇمىس تىندىرار الىمدىلىعىڭمەن ساباقتاسادى. ۇلكەندەر ەڭبەك مۇراتقا جەتكىزەر دەپ تەگىن ايتپايدى. بايىيىن دەسەڭىز كۇنىنە تىندىرارىڭىز كوپ بولسىن.
ءان الەمى

جول توسىلىپ قالدى

تۇلپارىم