باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاشقار ايماعى شارالاردى دالمە-ءدال اتقارىپ، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتۋگە كۇش سالدى

    كەلۋ قاينارى: شينجياڭ حالىق راديو ىستانسياسى    2017-05-19 19:03:28  
ستانسيامىزدىڭ قاشقارداعى ءتىلشىسى ما گولەيدىڭ جولداعان حابارىن تىڭداڭىزدار: قاشقار ايماعى ەلىمىزدەگى 14شوعىرلى وڭىردەگى ەرەكشە قينشىلىعى بار ايماقتىڭ ءبىرى، قات-قابات قينشىلىق الدىندا، جەرگىلىكتى پارتكوم مەن ۇكىمەت دالمە-ءدال سۇيەمەلدەۋدى ءتۇيىن ەتىپ، كەدەيلەردى تۇراقتاندىرىپ، كەدەيلەردى دالمە-ءدال سۇيەمەلدەۋ، كەدەيلىكتەن دالمە-ءدال قۇتىلدىرۋ جوباسىن زور كۇشپەن اتقارىپ، ءار ۇلت حالىق بۇقاراسىن كەدەيلىكتەن قۇتىلدىرۋعا قۇلشىندى.
تاڭەرتەڭ ەرتە، يىڭسارى اۋدانى سيتلا اۋىلى قالجاق قىستاعىنىڭ ديحانى پاتيما كەرىم قىستاقتاعى شاعىن زاۆودتقا قىزمەتكە شىقتى. بيىل ناۋرىزدا، ول 86 ايەلمەن بىرگە يىڭسارى اۋدانىنداعى شيندا جاڭا كيىم-كەشەك شەكتى جاۋاپكەرلىك سەرىكتەستىگىندە تاربيەلەنىپ، جۇمىسقا جاتىلعاننان كەيىن، ءۇيىنىڭ قاسىنان قىزمەتكە شىقتى. پاتيما كەرىم: قازىر ايلىق كىرىسىم ءبىر مىڭ يۋاننان اسادى، جۇبايىم ەكەۋىمىزدىڭ ايلىعىمىزدى قوسقاندا جىلىنا 20 مىڭ يۋاننان ارتىق اقشا تابامىز،-دەدى.
سوڭعى جىلداردان بەرى، يىڭسارى اۋدانى «باس شتاپ پەن شاعىن زاۆود بىرىككەن» ءوندىرىس تيجارات فورماسىن اتقارىپ، اۋدانداعى ءار قايسى اۋىل، قىستاقتا «شاعىن زاۆود» قۇرىپ، ەڭبەككۇشتەردىڭ جاقىن ماڭنان كاسىپتەنۋىن جەبەپ، كەدەي وتباستارىنىڭ كىرىسىن ارتتىردى.
2014-جىلى قاشقار ايماعىندا ارحيۆ تۇرعىزىپ، كارتشكا تاراتقان كەدەي وتباسىنان 285 مىڭ 600 ى، كەدەي جان سانىنان ءبىر ميلليون 55 مىڭ 900 ى بار بولىپ، رايونىمىزداعى جالپى كەدەي جان سانىنىڭ %40.5 تى ۇستادى. ولاردىڭ 128 مىڭى تۇرمىس كەشىرۋ ورتاسى ناشار، نەگىزدىك قۇرىلعى قۇرىلىسى كەنجە قالعان، بىتىراندى قونىستانعان تاۋلى، شەكارا وڭىردە بولعاندىقتان، سۇيەمەلدەپ كوركەيتۋ ەڭ قيىن بولعان نەگىزگى ءتۇيىن بولدى. جاڭا كەزەكتى كەدەيلەردى سۇيەمەلدەۋدەن قامال الۋ شايقاسىندا تابىسقا جەتۋ ءۇشىن، ءسوزجوق جاڭالىق اشۋ قاجەت. ءۇش جاعىن تۇگەل قۇم قورشاعان مەكىت اۋدانىندا، جەرگىلىكتى ورىندا ۇكىمەتتىڭ ساياسات جاعىندا قولداۋى، كاسىپورىننىڭ ساۋدا جاعىندا قارجى قوسۋى، ەگىنشى-مالشىلاردىڭ بازارلانۋعا قاتىناسۋى مەحانيزمىن قاراستىرىپ، 300 ميلليون يۋاننان ارتىق قارجى قوسىپ، 200 مىڭ مۋ جەرگە اعاش ەگۋمەن بىرگە، قۇمدى توسۋ مەن كەدەيلەردى سۇيەمەلدەۋدى ۇشتاستىرۋدىڭ جاڭا ءادىسىن تاپتى. قۇمقۇسار اۋىلى تومەنتاۋار كەسىك قىستاعى ـــ قۇمعا ەڭ جاقىن قىستاق، قىستاق ديحانى ياسىن اتاۋوللا قازىر ەكولوگيالىق ورماندى باسقارۋشىعا جانە قورعاۋشىعا اينالدى، ول تىلشىگە: ايلىعىم 5 مىڭ 200 يۋان، ۇكىمەت تاعى 100 شارشى مەترلىك جىلى قورا سالىپ بەرۋمەن بىرگە، قوي ساتىپ الۋىما 6 مىڭ يۋان كومەك قاراجات بەردى، قازىر ۇيىمدە 10 تۇياق قوي بار، وسى بويىنشا ەسەپتەگەندە، وتباسىمىزدىڭ جىلدىق ناقتى كىرىسى 60 مىڭ يۋان بولادى،-دەدى.
سونىمەن بىرگە، قاشقار ايماعى تاعى ەرەكشە شاعىن قالا-قالاشىق قۇرۋعا سۇيەنىپ، كەدەي وتباستارىن قالاعا كوشىپ، زاۆودتقا، باقشا رايونىنا كىرۋگە شابىتتاندىردى. مارالباسى اۋداندىق پارتكومنىڭ شۋجيى حى چياڭ بىلاي دەدى: وتكەن جىلدان باستاپ، اۋداندىق پارتكوم مەن ۇكىمەت جان سانى كوپ، ەگىستىك جەرى از، جاراتىلىستىق شارت-جاعدايى ناشار وڭىردەگى كەدەي جان سانىن ەگىستىك جەردەن قۇتىلدىرىپ، قالانىڭ ماڭىنا كوشىرىپ اپارىپ، قالانىڭ ماڭىنان جۇمىس ىستەپ اقشا تابۋعا شابىتتاندىردى. ءبىزدىڭ وسى زاۆود ورنىنداعى وسى ءبىر جىلداعى قۇرىلىس جۇمىسى ەرەكشە كوپ، ءبىر جىل ىستەسە 10 مىڭ يۋاننان ارتىق اقشا تابۋعا بولادى، ءارى تۇلعالىق جىلىجاي، جىلى قورا سالىنىپ بەرىلەدى، اۋىل شارۋاشىلىق وندىرىسىمەن شۇعىلدانۋدى قالايتىنداردىڭ جىلىجايعا داقىل ەگۋىنە، جارنا قوسىپ سەلبەستىك كوپەراتيۆىنە كىرۋىنە دە بولادى.
قاشقار ايماقتىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جىڭ گىنچاڭ، بيىل قاشقار ايماعىنىڭ 63 مىڭ 700 كەدەي وتباسىنداعى 225 مىڭ 200 كەدەي جان سانىن ازايتىپ، 330 كەدەي قىستاقتى كەدەيلىكتەن قۇتىلدىرۋدى جوسپارلاپ وتىرعانىن ايتا كەلىپ بىلاي دەدى: ءبىرىنشى، اۋىل شارۋاشىلىعى كاسىبىن دامىتادى، مۇندا جوعارى ءونىمدى اۋىل شارۋاشىلىعى ەگىمشىلىك، باعىمشىلىق كاسىبى جەرگىلىكتى ورىندى تياناق ەتەدى. ەكىنشى، كاسىپتەندىرۋدى مىقتى يگەرەدى. ءۇشىنشى، باسقا جەرگە كوشىرۋ جانە ەكولوگيالىق ورتانى قورعاۋ ارقىلى، قالاعا، زاۆودتقا جانە باقشا رايونىنا كىرگىزەدى، ەكولوگيالىق ورماندى قورعاۋدى ادام باسقارادى، 3 مىڭ 758 ورمان قورعاۋشىنىڭ ءار بىرىنە 10 مىڭ يۋان اقشا بەرىلەدى، ولاردىڭ بارلىعى كەدەي وتباسى. وسىنىڭ بارلىعى سوڭىندا ولاردىڭ قالتاسىن قامپايتۋ.
ءان الەمى

جول توسىلىپ قالدى

تۇلپارىم