باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شيپاحانا باستىعى ءبىزدىڭ قۇتىمىز

    كەلۋ قاينارى: شينجياڭ حالىق راديو ىستانسياسى    2017-05-18 19:31:44  
ستانسيامىزدىڭ «شيپاگەرلەر مەيىرىن كۇنلۇن تاۋىنا توكتى» دەگەن تاقىرىپتاعى جەلىلەس حابارىنىڭ ستانسيامىزدىڭ حوتانداعى ءتىلشىسى ديڭ شياۋدان جازعان 1-ءبولىمىن تىڭداڭىزدار: كۇنلۇن تاۋىنىڭ سولتۇستىك بوكتەرىندەگى حوتان ايماعىنىڭ چەريا اۋدانىنا، شينجياڭ ءوندىرىس قۇرىلىس بيڭۋانىنىڭ ەڭ شالعايداعى از ۇلت ءجيى قونىستانعان تۋان الاڭى ەسەپتەلەتىن 14-شىسىنىڭ 1-مال فەرماسى ورنالاسقان. ءۇستىرتتى، سۋىق تاۋلى رايوندا بولعاندىقتان، بۇل جەردە شيپاگەر تاپشى، ءدارى-دارمەك كەمشىل، ەمدەۋ دەڭگەيى دە مەشەۋ ەدى، جەرگىلىكتى ورىننىڭ شيپاحاناسى كەزىندە شيپاحاناعا جاتىپ ەمدەلەتىن ناۋقاستاردى 8 جىل بويى قابىلداي الماعان. بيتڭۋان پارتكومىنىڭ ەمدەۋ رەفورماسى قىزمەتىنىڭ ورنالاستىرۋى بويىنشا، 6-شى شيپاحاناسى 14-شىنىڭ 1-مال فەرماسى شيپاحاناسىنا باعىتتامالى كومەكتەسەتىن بولدى. 2014-جىلى، 6-شى شيپاحاناسىنان ەرلى-زايىپتى چاڭ حۇڭبو مەن چىڭ جيانمي 1-مال فەرماسىنا بارىپ، جەرگىلىكتى ورىنداعى كادرلار مەن جۇمىسشى-قىزمەتكەرلەرگە ەمدەۋ جاعىندا ساپالى ىقىلاستى قىزمەت وتەپ، وسى جەردەگىلەردىڭ دەنساۋلىعىن قورعاۋشىعا اينالدى.
چىڭ جيانمي ناۋقاستان: بۇگىن تاۋىرلەنىپ قالدىڭ با؟ ــ دەپ سۇراپ ەدى، ناۋقاس جاقسى بولىپ قالدىم، ــ دەدى. چاڭ حۇڭبو: ناۋقاستىڭ ءوڭى مەن ەرنىنە قارادى، ناۋقاس كەمسەڭدەي جونەلدى، چىڭ جيانمي وعان: كوڭىلىڭدى بۇزبا بولدى، بۇدان كەيىن قانداي ماسەلە بولسا، ءبىزدى ىزدەسەڭ بولعانى، ــ دەدى.
8-مامىر كەشكى ساعات 10 دا، ەرلى-زايىپتى چاڭ حۇڭبو مەن چىڭ جيانمي ەكەۋى كۇندەگى ادەتىنشە تۇندە اۋىرۋحانانى ارالادى. جۇرەك-وكپە ناقاسىنا شالدىققان گۇلچيناحان ياسىننىڭ توسەگىنىڭ قاسىنا بارعاندا، ونىڭ 11 جاستاعى كىشكەنە ۇلى شەشەسىنىڭ قاسىندا وتىر ەكەن. چاڭ حۇڭبو كىشكەنتاي بالاعا سالەمدەستى دە، گۇلچيناحان ياسىنىڭ قان قىسىمىن ولشەپ، ونىڭ قول-اياعىندا ءىسۋ جاعدايى بار-جوقتىعىن تەكسەردى. گۇلچيناحان ياسىننىڭ جولداسى كولىك اپاتىنان قايتىس بولادى دا، انالى-بالالى ەكەۋى سۇيەنىشسىز قالادى، ول ءوزىنىڭ ناۋقاستانىپ شيپاحاناعا جاتىپ قالۋىنان الاڭدايتىن ەدى. ول بىلاي دەدى: بۇرىن مەن جايسىزدانسام بولدى حوتان قالاسىنا بارىپ اۋىرۋحاناعا جاتىپ ەمدەلەتىنمىن، سول كەزدە بالامدى جالعىز ۇيدە تاستاپ كەتكەننەن قاتتى الاڭدايتىنمىن. كەيىن شيپاحانا باستىعى كەلدى، ول اۋرۋدى جاقسى كورىپ قالماستان، ءۇيىمىزدىڭ قاسىنداعى شيپاحاناعا جاتىپ ەمدەلە الاتىن بولدىق، ونىڭ ۇستىنە ماعان كوڭىل بولەدى، بۇلاردى ويلاسام كوڭىلىم بوسايدى. بۇل مەنىڭ اۋىرۋحاناعا 3-رەت جاتۋىم، بالام وقۋدان تۇسە سالىپ قاسىما كەلەدى، مەن وعان كوز-قۇلاق بولا الامىن، شيپاگەرلەر مەن سەسترالار دا ماعان كومەكتەسىپ وعان قارايلاسىپ تۇرادى.
گۇلچيناحان ياسىننىڭ ايتقانى مال فەرماسىنداعى 2 مىڭ 595 كادر مەن جۇمىسشى-قىزمەتكەردىڭ دە جۇرەك سوزدەرى ەدى. 3 جىلدىڭ الدىنداعى شيپاحانا ءبىر قاتار الاسا جەر ءۇي بولاتىن، وندا تەك ءبىر كاسىپتىك شيپاگەر، 4 سەسترا عانا بار ەدى، نەگىزگى ءدارى-ارمەك، ەمدەۋ جابدىقتارى كەمشىل، ءتىپتى ايتارلىقتاي وپەراتسيا بولمەسى دە جوق بولاتىن، شيپاحاناعا جاتىپ ەمدەلەتىن ناۋقاستاردى تۋپ-تۋرا 8 جىل بويى قالىپتى قابىلداي الماپتى، ەمدەۋ قامسىزداندىرۋى كارتچكاسىنان ەسەپتى جاباتىن شيپاحانا تەكشەسىن دە اشپاپتى، كادرلار مەن جۇمىسشى-قىزمەتكەرلەر ناۋقاستانسا، امالسىز 60، 70 شاقىرىم الىستاعى اۋىل، قالاشىق شىپاحاناسىنا، ءتىپتى 200 نەشە شاقىرىم جەردەگى حوتان قالاسىنا بارىپ ەمدەلەدى ەكەن.
2014-جىلى 30-شىلدە، ەرلى-زايىپتى چاڭ حۇڭبو مەن چىڭ جيانمي 6-شى شيپاحاناسىنان 1-مال فەرماسى شيپاحاناسىنا مىندەت الىپ تۇسكەن تۇڭعىش شيپاگەر بولدى، چاڭ حۇڭبو شيپاحانانىڭ ورىنباسار باستىقتىعىنا تاعايىندالادى، ول الدىمەن قاسىنا ادام ەرتىپ، ءدارىحاناداعى دارىلەردى اداقتاپ، نەگىزگى دارىلەر مەن ەمدەۋ اسپابىن تولىقتاۋ ءوتىنىشىن تاپسىرادى، ءارى مەدەتسينامەن شۇعىلدانعان 20 جىلدىق تاجيريبەسىنە سۇيەنىپ، ناۋقاستاردىڭ ناۋقاسىن كورەدى، تاعى جۇڭ ي شيپاگەرلىگىنىڭ فيزيكالىق ەمدەۋ بولمەسىن قۇرىپ، ينە ءشانشۋ، ەرمەن شوعىمەن قارۋ، ۋقالاۋ سياقتى تەحنيكامەن جەرگىلىكتى ورىنداعى ۇنەمى كەزدەسەتىن رەۆماتيزم، كەڭىردەك قابىنۋى سياقتى ناۋقاستاردى ەمدەدى. ناۋقاستاردى شيپاحاناعا جاتىپ ەمدەلۋگە تەزىرەك قابىلداۋ ءۇشىن، چاڭ حۇڭبو بيڭتۋان دەنساۋلىق ساقتاۋ مەكەمەسىنىڭ مال فەرمەسىنداعى قىزمەت اتىرەتىن نىسان الۋعا ىزدەپ بارادى. 2014-جىلى قىركۇيەكتە، 1-مال فەرماسى شيپاحاناسى شيپاحانا تەكشەسىن اشادى، ءارى شيپاحانادان شىعۋ ەسەبىن جابۋدى اتقارادى؛ 2015-جىلدىڭ باسىندا بيڭتۋاننىڭ 4 ميلليون 300 مىڭ يۋان قارجى جۇمساپ سالعان شيپاحانانىڭ جاڭا كەڭسە عيماراتى پايدالانۋعا بەرىلىپ، 6-شى شيپاحاناسى 1-مال فەرماسى شيپاحاناسىنا رولى كەمەلدى 20 توسەك ورنالاستىرىپ، وسى شيپاحانانىڭ 8 جىل بويى اۋراحاناعا ناۋقاس قابىلداماعان تاريحىن اقىرى اياقتاتادى. سوزىلمالى كەڭىردەك قابىنۋىنا شالدىققان 1-مال فەرماسىنان زەينەتكە شىققان قىزمەتكەر مامەتولا باردى بىلاي دەدى: بۇرىن حوتانعا ناۋقاس كورسەتۋگە بارعاندا، جول قاراجاتىن قوسپاعاندا، ءار رەتكى دەنساۋلىق تەكسەرتۋگە از دەگەندە مىڭ يۋاننىڭ ۇستىنە اقشا كەتەتىن، جارىم اي جاتساق 10 مىڭ يۋان جۇمسالادى. شيپاحانا باستىعى كەلگەننەن كەيىن، ناۋقاس كورسەتۋ جاعىندا راسىندا كوپ ماسەلە شەشىلدى! 500 يۋان كەپىل اقشا قويىپ، ەمدەۋ كارتچكاسىن تاپسىرساق بولعانى، ناۋقاسىمىزدى كورسەتە بەرەمىز، شيپاحانا باستىعى بىزگە كەلگەن قۇت بولدى!
ەرلى-زايىپتى چاڭ حۇڭبو مەن چىڭ جيانميدىڭ كەلۋىمەن، 1-مال فەرماسىن ماقتاۋشىلار كوبەيدى، ماڭىنداعى اۋىل-قالاشىقتاعى جۇمىسشى-قىزمەتكەرلەر دە، بۇقارا دا وسى جەرگە ۇنەمى كەلىپ ناۋقاسىن كورسەتەتىن بولدى. شيپاحانا ءبىر جىلدا 2 مىڭ ادام رەتتەن ارتىق ناۋقاستى كورۋدەن، جىلىنا 6 مىڭ ادام رەتتەن ارتىق ناۋقاستى كورەتىن بولدى، وسى ساننىڭ استارىندا ءار ۇلت ناۋقاستارىنىڭ چاڭ حۇڭبو مەن چىڭ جياميگە دەگەن سەنىمى مەن ولاردىڭ قىزمەتىن تۇراقتاندىرۋى بار ەدى. چاڭ حۇڭبو بىلاي دەدى: وسى كاسىپتى تالداعان ەكەنبىز، ناۋقاس مەيلى قانشا بولسىن، وسى كاسىپتى مۇقيات ىستەپ، ناۋقاستى مۇقيات كورۋىمىز كەرەك.
ءان الەمى

جول توسىلىپ قالدى

تۇلپارىم