باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇيقى جونىندەگى ساۋات

    كەلۋ قاينارى: شينجياڭ حالىق راديو ىستانسياسى    2017-05-17 19:36:37  
ۇيىقتار الدىندا رەنجىپ، اشۋلانۋ جۇرەكتىڭ سوعۋىن تەزدەتىپ، تىنىس الۋدى جەدەلدەتىپ، ادام ويىن سان-ساققا جۇگىرتىپ، ۇيقىنى قاشىرادى.
ۇيىقتار الدىندا تويا تاماقتانۋ. ۇيقتار الدىندا شەكتەن تىس تويا تاماقتانعان سوڭ، اسقازان اس قورتۋ جۇمىسىن كۇشەيتۋگە ءماجبۇر بولادى، سونىمەن بىرگە، تاماققا تولىپ تۇرعان اسقازان ۇلكەن مي قىزمەتىن تولاسسىز تىتىركەندىرەدى دە، ۇلكەن ميدىڭ دا قىزمەتى كۇشەيىپ، ادامنىڭ الاڭسىز ۇيىقتاۋىنا مۇمكىندىك بەرمەيدى.
جاستىقتى بيىك جاستانۋ. فيزولوگيالىق تۇرعىدان ايتقاندا، جاستىقتىڭ 8-12 سانتيمەتىر بولۋى لايىقتى. جاستىق الاسا بولسا، جاستىق وتىرىپ كەتىپ ، سونان باس بولىمىنە قۇيىلاتىن قان ادەتتەگى قالىپتان اسادى دا، ەرتەسى ادامنىڭ باسى مەڭ -زەڭ بولىپ، كوزى ءىسىنىپ تۇرادى؛ جاستىق بيىك بولسا تىنىس جولىنىڭ ىركىلىسىز بولۋىنا كەدەرگى جاساپ، ادام ۇيىقتاعاندا قورىلدايتىن بولادى. سونىمەن بىرگە، جاستىقتى ۇزاق ۋاقىت بيىك جاستانىپ ۇيىقتاعاندا جەلكەنى جايسىزداندىرادى ، ءتىپتى بۇكىرلىككە اپارىپ سوعۋى مۇمكىن.
قولىن جاستانىپ ۇيىقتاۋ. ۇيىقتاعاندا ەكى قولىن جاستانىپ جاتۋ قان اينالىسىنا كەدەرگى جاساپ، ەكى قولدىڭ ۇيىپ جانسىزدانۋىنا سوقتىرىپ قانا قالماستان، تاعى قۇرساق بولىمىنە تۇسەتىن قىسىمدى جوعارلاتىپ، ۋاقىت وتە كەلە وڭەش سياقتى اس قورتۋ جولدارىن قابىندىرىپ جىبەرەدى.
ۇيىقتار الدىندا ءشاي ءىشۋ. شايدىڭ قۇرامىندا كوفەيىن سياقتى زاتتار بولادى. بۇل زاتتار ورتالىق نەرۆتى تىتىركەندىرىپ، ادامدى جەلپىندىرەدى. دەمەك، ۇيىقتار الدىندا شاي ىشەتىن بولسا، وتە - موتە اشتى شىعىپ كەتكەن قويۋ شاي ىشەتىن بولسا، شاي ادامنىڭ ۇيقىسىن ءتىپتى قاشىرادى.
اراق ءىشىپ الىپ ماساڭداۋ ۇيىقتاۋ. ۇيىقتار الدىندا اراق ىشسە، ۇيىقتاعان سوڭ تۇنشىعىپ وياناتىن بولادى. ادەتتە، ءبىر تۇندە ەكى رەت مولشەرىندە، ءار رەتتە 10 مينۋتتاي تىنىس الۋى قيىنعا سوعاتىن جاعداي تۋىلادى. ۇزاق ۋاقىت وسىلاي جالعاسسا، ادام جۇرەك ناۋقاسىنا جانە قان قىسىمى جوعارلاۋ سىقىلدى ناۋقاستارعا وڭاي شالدىعاتىن بولادى.
ۇلكەن ميدىڭ شارشاۋدان سەرگۋدەگى باستى ءتاسىلى ۇيىقتاۋ. ۇزاق ۋاقىت بويى ۇيقى قانباۋ نەمەسە ۇيقى ساپاسىنىڭ تىم ناشارلىعى مي كلەتكالار قىزمەتىنىڭ شەگىنۋىن جىلدامداتادى. مۇنداي جاعدايدا سۇڭعىلا جاننىڭ ءوزى دە ميعۇلا جانعا اينالىپ قالادى.
«ۇيقىنىڭ ورنىن تولىقتاۋعا بولادى» دەپ ويلاۋ. بىرەۋلەر تۇنى بويى ۇيىقتاماي، تاڭ اتىرۋعا اۋەس. الايدا كەلەس كۇنى ۇيقىنىڭ ورنىن تولىقتايمىن دەگەنىمەن بۇل وي وڭايشىلىقتا ىسكە اسپايدى. بيولوگيالىق ساعاتتىڭ بىلعۋىنان تۋىلاتىن ناشار زارداپتىڭ الدىن الۋعا شاراسىز قالادى. بۇل زارداپ ادامدى كۇندىز قالعىتىپ، زەيىن -زەردەسىن ءبىر جەرگە شوعىرلاندىرا المايتىن ەتەدى. ال، تۇندە ۇيقىسىن قاشىرىپ كوز شىرىمىن العىزبايدى.
ءان الەمى

جول توسىلىپ قالدى

تۇلپارىم