باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تابىستىڭ كىلتى ـــ ۋاقىتتا

    كەلۋ قاينارى: شينجياڭ حالىق راديو ىستانسياسى    2017-05-17 19:27:46  
قىزمەتشىلەردىڭ ءار كۇنى ءۇش ءتۇرلى «8 ساعاتى» بار، ءبىرىنشى 8 ساعات قىزمەت ۋاقىتى، ەكىنشى 8 ساعات دەمالىس ۋاقىتى، ءۇشىنشى 8 ساعات بوس ۋاقىتى.
بوس ۋاقىت ادامدى نە تابىسقا جەتكىزەدى، نە قۇرىدىمعا جىبەرەدى. ول ۇزاق تا قىسقا، ءمانسىز دە قىزىقتى.
وسى ۋاقىتتان پايدالانا ءبىلىپ، «بوس ۋاقىتتى» استە «اق تاڭداققا» اينالدىرماۋىمىز كەرەك. ۋاقىت ەڭ قىمباتتى بايلىق، ادام تاعدىرىنا بۇرىلىس اكەلەتىن وراي، كوبىنەسە وسى 8 ساعاتتان تىس بولادى، ءسىز ۋاقىتتى دۇرىس يگەرۋدى ۇيرەنۋىڭىز كەرەك.
الەمگە ايگىلى باسقارۋ - كەڭەس سۇراۋ سەرىكتەستىگى ونەر-قابىلەتتەرى ەلدەن ەرەن ايگىلى مىڭنان استام ادامعا تەكسەرۋ جۇرگىزىپ، ولاردىڭ قالاي تابىسقا جەتكەندىگى جونىندە قورتىندى شىعارعان. ولاردىڭ تابىسقا قول جەتكىزۋى ءار كۇنى تەك باسقالاردان ءبىر ساعات ارتىق ۋاقىت شىعارىپ ماعىنالى جۇمىس ىستەۋىندە ەكەن.
دۇنيە جۇزىلىك 2-سوعىس كەزىندە، ا ق ش پرەزيدەنتى فرانكلين روزۆولتتىڭ ىنتا-جىگەرى تاسقىنداپ تۇرادى، مۇنىڭ سەبەبىن كوپتەگەن ادام ونىڭ دەمالىسى جاقسى بولۋدان دەسە جانە ءبىر قىدىرۋ ادامدار قۋاتتى تاعامدارمەن ازىقتانۋدان دەپ قاراعان. ءاسىلى فرانكلين ءار كۇنى ءبىر ساعات ۋاقىت شىعارىپ، پوچتا ماركاسىن وينايدى ەكەن.
دۇنيە توقىما كاسىبىنىڭ الىبى ۆيللفورد كان جۇمىس باستى ادام، سويتە تۇرا ول ورتا جاستان اسقان سوڭ ايگىلى ماي بوياۋلى سۋرەتشى بولادى. سەبەبى، ول ءار كۇنى تاڭەرتەڭ ەرتە تۇرىپ، ءبىر ساعات ۋاقىت شىعارىپ سۋرەت سىزاتىن ادەت قالىپتاستىرعان، سول سەبەپتى ونىڭ دەنساۋلىعى دا مىقتى بولعان. 10 نەشە جىلدان سوڭ، ونىڭ سىزعان ماي بوياۋلى سۋرەتتەرىنىڭ 100 دەن استامىن سۋرەت اۋەسكەرلەرى جوعارى باعادا ساتىپ العان. ول ساتىلعان سۋرەتتەرىنىڭ اقشاسىن تۇگەلدەي سۋرەت ونەرىن ۇيرەنىپ جاتقان وقۋشىلارعا اتاعان.
20-عاسىردىڭ 70-جىلدارىنىڭ اياق شەنىندە، ءبىر جاپوندىق جاس جىگىت ۇساق-تۇيەك بۇيىمدار ساتاتىن شاعىن دۇكەن اشادى. داعدى بويىنشا ول ءار كۇنى كەشكى ساعات 10 مولشەرىندە دۇكەنىن جابادى. ءبىر كۇنى كەشتە دۇكەندى جابۋعا اينالعاندا، ازىق-تۇلىك ساتىپ الماقشى بولىپ بىرنەشە ادام كىرىپ كەلەدى، جاس جىگىت ولارعا قىزمەت وتەيدى. ولاردى جولعا سالعاننان كەيىن، جاس جىگىت دۇكەندە جانە ءبىراز ۋاقىت ايالدايدى، ناتيجەدە تاعى دا بىرنەشە الارمان كەلەدى. كەيىن بۇل جىگىت ساۋدا جاسايتىن ۋاقىتىن ءبىر ساعات ارتىنا شەگىندىرىپ، دۇكەندى كەشكى ساعات 11 دە جاباتىن بولادى. باسقا دۇكەندەردەن ءبىر ساعات ارتىق ۋاقىت ساۋدا جۇرگىزەتىندىكتەن، ونىڭ دۇكەنى جاقىن ماڭداعى جۇرتشىلىقتىڭ جارىم تۇندە كەلىپ تاۋار ساتىپ الاتىن ورنىنا اينالادى. ءبىر جىل وتكەن سوڭ، دۇكەننىڭ كولەمى ۇلكەيىپ، ساۋدا جاسايتىن قارجى سوماسى 200 ميلليون يەن (جاپون اقشاسى) بولادى. ول ۋاقىتتى ۇتىمدى پايدالانا بىلەتىندىكتەن، ساۋداسى كۇسەت بولا تۇسەدى. 2002-جىلعا بارعاندا، ونىڭ سەرىكتەستىگىنىڭ جالپى كىرىسى 400 ميلليارد 800 ميلليون يەن (جاپون اقشاسى) گە جەتەدى. بۇل تابىسقا جەتكەن ادامنىڭ ەسىمى ياسۋدا تاكاشيو، جاپونياداعى تانىمال ساۋداگەرلەردىڭ ءبىرى ەدى.
ادام ءار كۇنى ءبىر ساعات ارتىق ۋاقىت شىعارىپ ماعىنالى جۇمىس ىستەسە، بۇل قىزمەتپەن بايلانىستى بولماسا دا، ۋاقىت ۇزارا كەلە، قارىمجىسىن الاتىن بولادى. كوپ ەمەس، ءار كۇنى تەك ءبىر ساعات بولسا بولعانى.
ءان الەمى

جول توسىلىپ قالدى

تۇلپارىم