باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

سايرام كولىن ۆەلوسيپەدپەن اينالۋ جارىسى مامىر ايىندا وتەدى

    كەلۋ قاينارى: شينجياڭ حالىق راديو ىستانسياسى    2017-05-09 20:52:34  

ءتاڭىرتاۋ تورابىنىڭ حابارى: سايرام كولىن اينالۋ جارىسى جونىندەگى اقپارات جاريالاۋ جينالىسىنان ۇعىسۋىمىزشا، جۇڭگو شينجياڭ 11-كەزەكتى سايرام كولىن ۆەلوسيپەدپەن اينالۋ جارىسى 30-مامىردان 31 - مامىرعا دەيىن بۇراتالا موڭعۇل اۆتونوميالى وبلىسىندا وتكىزىلەدى ەكەن.
وسى كەزەكتى سايرام كولىن اينالۋ جارىسى «جىبەك جولىنداعى جاڭا اۋەن، كورىكتى بۇراتالا ۆەلوسيپەد ءمىنۋ، قۇيىنداي قۇيعۋ، شاتتىققا شومۋ» تاقىرىبىندا وتكىزىلەدى، جارىس ۋاقىتى 2 كۇن، جارىس ارالىعى 145 كيلومەتر، جارىس 2 بولەكتەن قۇرالادى. 1-جارىس بولەگى اراسان اۋدانىنان سايرام كولىنە دەيىن، جالپى ارالىعى 82 كيلومەتر؛ 2-جارىس بولەگى سايرام كولىنىڭ شىعىس قاقپاسىنان، سايرام كولىنىڭ وڭتۇستىك قاقپاسىنا دەيىن، جالپى ارالىعى 63 كيلومەتر.
جارىس ۋاقىتى مەن جارىس ارالىعى وتكەن جىلدارداعىدان قىسقا بولعانىمەن، وسى كەزەكتى سايرام كولىن اينالۋ جارىسىنىڭ وزىندىك ەرەكشەلىگى بار. ەڭ اۋەلى، وسى رەت كولدى اينالۋ جارىسىنداعى ايتۋلى جارىس بولەگى اراسان اۋدانىنان سايرام كولىنە دەيىنگى جارىس بولەگى . قايقاڭعا شىعۋ جارىس بولەگىنىڭ تەڭىز دەڭگەيىنەن بيىكتىگى ءبىر مىڭ 300 مەتر دە 2 مىڭ 200 مەتر ارالىعىندا. ەكىنشىدەن، وسى رەت سايرام كولى جارىس بولەگى قوسىلدى، سايرام كولى بويىندا ءبىر كۇن تۇنەيدى، مۋزيكا كەشى، الاۋ كەشى سياقتى الۋان ءتۇرلى، باي مازمۇندى مادەني كوڭىل اشۋ قيمىلدارى وتكىزىلەدى.
بۇراتالا موڭعۇل اۆتونوميالى وبلىسىنىڭ ورىنباسار باستىعى، سايرام كولى كورىنىس رايونى پارتكومى قىزمەت كوميتەتىنىڭ شۋجيى لي شينگۋاڭ بىلاي دەدى: «بۇراتالا وبلىسى ورمان، كول، ءشول، جايىلىم، سازدى جەر سياقتى ەرەكشەلىگىمەن، سونداي - اق جەرگىلىكتى گۋمانيتارلىق ەرەكشەلىگىمەن ءوزىن دۇيىم جۇرتقا ايگىلەپ، كولدى اينالۋ جارىسىن ەلىمىزدەگى وزىق دەڭگەيلى، دۇنيە جۇزىندە بەلگىلى ىقپال كۇشكە يە مادەنيەت، ساياحات، دەنە تاربيە جارىسى ەتىپ وتكىزۋگە كۇش سالادى».

ءان الەمى

جول توسىلىپ قالدى

تۇلپارىم