باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كوزىڭىزدى دەمالدىرا ءبىلىڭىز

    كەلۋ قاينارى: شينجياڭ حالىق راديو ىستانسياسى    2017-05-05 19:37:57  
دەمالىس مەزگىلىندە، كوپتەگەن وقۋشىلار ۇيدە نەمەسە توراپحانادا تەلەۆيزور كورۋدى، كومپيۋتەر ويناۋدى ۇناتادى ءارى وعان شەكتەن تىس بەرىلىپ كەتەدى. الايدا ۋاقىت وتە كەلە كەيبىر بالالاردىڭ كوزى شىداماي، كوزى بۇلدىراۋ نەمەسە كورۋ قۋاتى تومەندەۋ سىندى ماسەلەلەر بارعان سايىن كوبەيۋدە. كوز ءبولىمىنىڭ ماماندارى كوزدى ارتىق ىستەتۋ ءتۇرلى كوز اۋرۋلارىنا دۋشار ەتەدى.
ءتىلشى تىلشىلىك ىستەۋ بارىسىندا مىنانى بايقاعان: جۋىقتا ءارقايسى ۇلكەن شيپاحانالاردىڭ كوز بولىمدەرى مەن كوز اينەك ماگازىندەرىنە بارىپ كوزىلدىرىك جاساتقان وقۋشىلار كورنەكتى كوبەيگەن. ءىشىنارا بالالاردىڭ كوزدەرى شەكتەن تىس شارشاپ كەتكەندىكتەن ۇزاق ۋاقىتتىق قىزمەتكە توزە الماي، كوز قورعاۋ، كورۋ قۋاتى السىرەۋ سياقتى جايسىز اۋرۋ بەينەلەرى پايدا بولعان.
جۇڭگوشا ەمدەۋ شيپاحاناسى كوز ءبولىمى ورتالىعىنىڭ اعا شيپاگەرى جين حۇي حۋا تىلشىگە جۋىقتان بەرى شيپاحاناعا كەلىپ ەمدەلگەن وقۋشى سانىنىڭ كوپ ەكەندىگىن، كوپ ساندىسى كومپيۋتەر ەكرانىنا ۇزاق ۋاقىت قاراپ، كوز تور تاباعىنداعى جارىق سەزەتىن زاتتار شەكتەن تىس سارىپ بولعاندىقتان كورۋ قۋاتى تومەندەۋ كوز اۋرۋى، جارىققا قاراي الماۋ، قاراڭعىعا ۇيلەسۋى السىرەۋ سىندى قۇبىلىستار تۋىلعاندىعىن ايتتى. كوز ءبولىمى ورتالىعىنىڭ مامانى مىنانى ەسكەرتەدى: ءوسپىرىم بالالاردىڭ كوزى ءالى دە جەتىلۋ كەزەڭىندە تۇرعاندىقتان، قورعاۋعا ەرەكشە كوڭىل ءبولۋى كەرەك. ادەتتە، كوزدى جالعاستى ىستەتۋ قۋاتى ەڭ جاقسىسى 40 مينۋتتان اسپاۋى، كوزدى 5 تە 10 مينۋت لايىقتى دەمالدىرۋ كەرەك. الىسقا، جاسىل وسىمدىكتەرگە نەمەسە جۇلدىزدارعا كوپ قاراۋ كەرەك. بۇدان سىرت، جاس ءوسپىرىم بالالار كىتاپ كورىپ، ۇيرەنۋ جاساعاندا نەمەسە كوڭىل اشۋ ويىندارىندا كوزدى ىستەتۋدىڭ تاماشا ادەتتەرىن جەتىلدىرۋى، جاتىپ، ەكپەتتەپ نەمەسە ماشينادا كەلە جاتىپ كىتاپ وقىماۋى، تەلەۆيزوردى 2 مەتردەن ارتىق ارالىقتان كورۋى كەرەك. ەگەر كوز بۇلدىراۋ نەمەسە كورۋ قۋاتى تومەندەۋ قۇبىلىستارى بايقالسا، دەركەزىندە تۇراقتى ەمدەۋ ورگاندارىنا بارىپ، تەكسەرتىپ ەمدەلۋ كەرەك.
ءان الەمى

جول توسىلىپ قالدى

تۇلپارىم