باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ تۇتىنۋ باعاسىنىڭ جالپى دەڭگەيى ورنىقتى اينالىم ارناسىنا ءتۇستى

    كەلۋ قاينارى: شينجياڭ حالىق راديو ىستانسياسى    2017-05-04 12:45:38  
شينجياڭ اقپارات تورابىنىڭ حابارى: بۇكىل رايونىمىز بويىنشا بيىل 1-توقسانداعى تۇرعىنداردىڭ تۇتىنۋ باعا جالپى دەڭگەيى %1.8 ورلەپ، ەلىمىزدىڭ ورتاشا دەڭگەيىنەن 0.4 پايىز جوعارىلاعان. جىل باسىنان بەرى، اۆتونوميالى رايونىمىز «ءۇشتى كۇشىنەن قالتىرۋدى، ءبىردى تومەندەتۋدى، ءبىردى تولىقتاۋدى» نەگىزگى جەلى ەتىپ، قامداۋ جاعىنداعى قۇرىلىمدىق رەفورمانىڭ قادامىن تەزدەتكەندىكتەن، تۇتاس رايونىمىزدىڭ ەكونوميكاسىنىڭ ارتۋ ساپاسى ۇزدىكسىز جوعارىلاپ، ءوندىرۋ مەن تۇتىنۋ ورنىقتىلىق بارىسىندا جاقسارۋعا قاراي بەتالىپ، تۇتىنۋ باعاسىنىڭ جالپى دەڭگەيى ورنىقتى اينالىم ارناسىنا ءتۇستى. مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ ورىنباسار باستىعى تاي جوۋحاي جاعدايعا تالداۋ جاساي كەلىپ: بۇرىنعى جىلدارداعى ساندى مالىمەتتەن قاراعاندا، 2014-جىلى رايونىمىزداعى تۇرعىنداردىڭ تۇتىنۋ باعا جالپى دەڭگەيى %2.1، 2015-جىلى %0.6، 2016-جىلى %1.4 ورلەپ، باياۋ كۇيدەگى تولقۋ جاعدايىندا بولاتىن. توقساندىق ياعني ماۋسىمدىق ساندى مالىمەتتەن قاراعاندا دا سولاي بولاتىن. دەمەك، بۇكىل ەلىمىز بويىنشا تۇرعىنداردىڭ تۇتىنۋ باعا جالپى دەڭگەيىنىڭ اۋقىمىن سالىستىرىپ قاراعاندا، رايونىمىزدىڭ تۇتىنۋ باعا جالپى دەڭگەيىنىڭ جاعدايى بۇكىل ەلىمىزدىڭ ەكونوميكالىق اينالىم جاعدايىمەن بىردەي بولدى. كەزەكتەگى ماكرولىق شارۋاشىلىقتىڭ اينالىم احۋالىنان الىپ قاراعاندا، بيىل 1-توقسانداعى تۇرعىنداردىڭ تۇتىنۋ باعا جالپى دەڭگەيىنىڭ ورنىقتىلىق بارىسىندا ازداپ ارتۋىن ۇيلەسىمدى اينالىم جاعدايىنا جاتادى دەۋگە بولادى،-دەدى. ول 1-توقسانداعى تۇرعىنداردىڭ تۇتىنۋ باعا جالپى دەڭگەيىنىڭ باستى ەرەكشەلىگىنە ايالداي كەلىپ: 1-توقسانداعى تۇرعىنداردىڭ تۇتىنۋ باعا جالپى دەڭگەيىنىڭ ارتۋىنداعى باستى سەبەپ ـــ قۇرىلىمدىق سيپاتتى وزگەرىستەن بولدى دەپ قارادى. ۇعىسۋعا قاراعاندا، بيىل 1-توقساندا رايونىمىزدا قىزمەت وتەۋ كاسىبىنىڭ باعاسىنىڭ ورلەۋ مولشەرى %3.1 كە جەتىپ، تۇرعىنداردىڭ تۇتىنۋ باعا جالپى دەڭگەيىنىڭ 1.08 پايىز ورلەۋىنە سەبەپ بولعان ؛ قىزمەت وتەۋ كاسىبىنىڭ باعاسىنىڭ ىقپال كۇشى تۇتىنۋ ونىمدەرى باعاسىنىڭ ىقپالىنان اسىپ تۇسكەن. قىزمەت وتەۋ كاسىبىنىڭ باعاسىنىڭ تۇرعىنداردىڭ تۇتىنۋ باعا جالپى دەڭگەيىنە ىقپالى %59.2 كە جەتىپ، وتكەن جىلدىڭ وسى مەزگىلىندەگىدەن 20.2 پايىز جوعارى بولعان.
ءان الەمى

جول توسىلىپ قالدى

تۇلپارىم